¹ Mu bere omu bwemere bw' abanguma. ² Murha yibagiraga obuzigire;Bulya,omu ku Mira nyo,baguma ba handisize ba Malaika,buzira oku manya. ³ Mukengere aba shwekwa,nka na ninyu mwali bashwekwa;nk'abakagi libuzibwa,nka mwali Mweshi omu mubiri muguma. ⁴ Obuhya bukengwe na boshi,n'enchingo erhaje kw'izinga,Bulya Nnamahanga ahana abagona n'abahusha. ⁵ Murha chihane oku busime bw' enfaranga;mushagalukire ebi mugwerhe;Bulya Nnamahanga yene adesire:Ntaka kuleka,ntana ka kuyaka. ⁶ Chi chirhumire rhwana derha n'obwalagale:Nakasane ye murhanzi wani,ntahyo nanka yoboha;gurhi omuntu akanjira? ⁷ Mukengere ebirongozi byaba bwiraga omwanzi gwa Nnamahanga;mumanyirire obuzinda bw'akalamu kabo Kali kachi,muna yiganye omurhima gwani. ⁸ Yesu-Kristo ye yolya injo,ene,n'emyaka n'emyakula. ⁹ Murharhebgwa n'enyigirizo za ngasi lubero Murhamanye ngahi amarhenga;Bulya kuli kwinja emirhima eyemere oku lukogo,chikwone arhali oku biryobirhajiraga bichi oku bo Bali chishwekire kwo. ¹⁰ Rhugwerhe olutari abakola ho om'ihemabarha gwasirwi balye. ¹¹ Emibiri y'ensimba,ezi omuko gwahekagwa omu hantu hantu hachire n'abajinji b'ihano oku byaha,bya yokirwe enyuma ly'ebiralo. ¹² Ebyo byo bya rhumire Yesu naye, erhi achesa olubaga n'omuko gwage,alibusire enyuma ly'omulango. ¹³ rhuhulukage rhuje emunda Ali,enyuma ly'ebiralo,rhulembere akagayo kage. ¹⁴ Bulya rhurhagwerhi hano idako rhurhagwerhi echishagala ch'okubera,chikwone rhuli rhwa lonza echayishi yisha. ¹⁵ Oku ye,rhurhule buzira oku leka emunda Nnamahanga enterekero y'obukuze,kwo kuderha amalehe g'orhunwa rhw'abayemire izino lyage. ¹⁶ Murhanayibagire oku jir'aminja n'oku ka rhabalana,bulya oku ezo nterekero kwo Nnamahanga asima. ¹⁷ Mukenge ebirongozi binyu munaka bigomba kwo,bulya banaka lalirira emirhima yinyu nka bantu bahira omuganjo;binabe ntyo,lyo abijira n'obushagaluke,chiarhali n'okududuma,olya orhabalerhera bunguke. ¹⁸ Murhuhunire;bulyathurhanyize oku rhugwerhe entimanya nyinja,zilonza omu bintu byoshi zirhu longolane bwinja. ¹⁹ Mba hunyire nna nzikire,lyo bantuma emunda muli duba. ²⁰ Nnamahanga w'omurhula,owa lerhaga omu ba fire lingers mukulu w'ebibuzi,oku muko gw'echiragane ch'ensiku n'amango,Nakasane Yesu wirhu, ²¹ Amuhe obuhashe bwokujir'ebijiro ninja oku kuhikirizaobulonze bwage,anajire omu mwe ebimusimisize,omu Yesu-kristo,obukuze huge emwage ensiku n'amango!bibentyo! ²² Nmuhunyire,bene wani,kulindirira ebi binwa byokushibiriza,Bulya namuyandikire oku bitya. ²³ Mumanye oku mwene wirhu Timoteyo akuzirwe;amuyisha ene,bayishi gendi mubona rhwe naye. ²⁴ Mulamuse ebirongozi binyu byoshi,n'abachesibwe boshi. Olukogo lube na ninyu mweshi! bibentyo!