¹ Yuda, ndjumwa ya Yesu Kristo, mwenye wabo Yakobo, kwabo babalangirwe, basimwa mu Ongo tata, babikirwe kwa bushi na Yesu Kristo. ² Mu hulirwe e lukoo, n'ebwolo n'emasimane. ³ Basimwa, emango nende nayira e bushiru bu sibu kubaandjikira e mwasi w'ebutchunguke, bulyi bwetchu tchuboshi, ilyi nyibakengese kwa mulwi r'ebwemere bweresibwaa ebatchesibwa kwa lyi uma. ⁴ Kwa bushi e bandju batchingisise kw'e we, e bandju baandjikirwaa kutenga mira buno butchindjibuse, e batemere, bende baalula e lukoo lwa Ongo wetchu kuba bubi, nabo bende baakana Ongo, n'enawetchu Yesu Kristo. ⁵ Kandji nyihondjire nyibakeengese, tchiro anga ba mwera mumenyire bine byoshi, okwo enawetchu, e kuba atchungure e bandju mwa tchiwo tch'eMisri, businda, era kubasheresa abo bwoshi batemeraa. ⁶ Ne ba malayika batala ngaa e andju abo beyine, si kweyine bera kureka e busiki bwabo bwabaa bubashinganene, era ababi kire mwa bihwekwa bye myaka ne myaka, e masi na s'emwisimya kwa butchindjibuke bw'olo lusiku, ⁷ Ngokula e Sodoma ne Gomora n'emisi yabaa e butambi tambi, e bakulyikiraa e buhungu, kwa ku lyi ngabo, bera kuenda kushimba e by'emubilyi, e bitalyi by'ekunalyi, bibikirwe kuba tchiloresi, n'eku sheresibwa mwa mulyiro w'esiku soshi. ⁸ Kuno ko nabo, mwa kakatchi k'ekulola kwabo, bende ba bika e mubilyi esinga, bende balayira e kutambu lwa, n'ekukamba ebitchere. ⁹ Si kweyine Mikaeli, malayika mukulu, ilyi ayi mana ne Ibilyisi, na ekubangana naye endonga s'e mubilyi wa Musa, ata mushitakaa kwa kumutakira, si era kuteta: enawetchu akukalyiyire. ¹⁰ Si kwe yine, bano bandju bende bakamba ebye batame nyire, n'ebye bamenyire kwa binalyi bende batchi sheresa kubye nga nyama sitete bwenge. ¹¹ E bwanya bwabo! kwa bushi baendjire mwa ndjira ya Kayini, n'ekukulyikira e bubi bwa Balaamu busi ra kutchanza, kwa bushi n'ebikesha nabo bashere re mwa kuayisa kwa Kora. ¹² Bano bandju bilyi bilyimbi by'ekusheresa mwa bushaaluke bwenyu bw'ebusime, e mango balya e karamu (fete) alauma nenyu, mwa kulya busira kwoboa, lulyi lwakungu lutete meshi, lwe nde lwekibwa n'embusi, ilyi mitchi ya haanyisibwe, itete bifuma, itafaa e bwa kabilyi, n'ekukulwa eku lyi, ¹³ ilyi mbusi y'enyandja itangaanzibwa, ye nde yana e honyi sabo nga pofu; silyi ngununu sie lyire ebwerafulu bw'emwisimya yi ulyi mwako wa bo babikilyirwe e siku soshi. ¹⁴ Na Enoki, mundju wa kalyinda e nyuma sa Adamu, anaa e myasi y'eburebi aandonga sebine, era kuteta: lolaa, enawetchu eshire n'ebatchesi bwa baye, byumbi ne byumbi. ¹⁵ Ilyi ayira ebu tchindjibuse e ndonga s'bandju bwoshi. Na ekuwa e buane, bat'obwoyire Ongo, kwa mikolo yabo yo shi y'ebuesi bayiraa, kwa bushi n'emyasi isibu yo shi abo banya byaa batamwobayire Ongo batetaa e ndonga saye. ¹⁶ Bano bandju balyi bakutete resa, b'ekulyiralyira, bende baenda kwa nyifindjo sabo, ne monu mabo mateta emyasi ikalyi busibu y'etchibulyi, bende basima e bandju bete e bifumbi kwa bushi n'ebukenge. ¹⁷ Si mwabo basimwa, mukengere emyasi ya tetchibwaa mira n'endjumwa s'enawetchu Yesu Kristo. ¹⁸ Kwa, bababiraa, okwo e siku sa busi nda kukaba e bandju b'elupalyi, bekushimba enyifi ndjo sabo beyine s'ekuera. ¹⁹ Abo bandju bube nde bareta e kuhombana, bwo buno butala, batete muka. ²⁰ Si mwabo, basimwa, mutchibake e ndonga s'ebwemere bulyi butchere busibu, n'ekwema mwa k'emuka mweru. ²¹ Mutchilange mwa busime bwa Ongo, batcha mwa lyindjira e lukoo lw'enawetchu Yesu Kristo, ilyi mubona e kalamo k'esiku soshi. ²² Mubabalyire e bandji bete e karinda, ²³ ne bandji, mubafumye kwa kubakula mwa mulyi ro, ne bandji muba babalyire kwa boba, muayisi bwe n'elutchimba lubikirwe kw'esinga n'emubilyi. ²⁴ Oyo ungaala e kubalanga mwabo mutasita laa, n'ekubemusa e muhondo bwaye busira esinga mwa bushaaluke bunene, ²⁵ yeyine yi Ongo w'e kunalyi, mutchungusi wetchu, yi wete e mutongo, n'ebukulu, n'ebuashe, n'emisi kutenga e myaka, na kulwarero, na e myaka yoshi, bibe batcha.