¹ Neci, ngasi mudahwa mukulu Ali murhôle omu bantu, ayimikwa mpu: akasengerea abantu omubuyemere Namuzinda, anarhûle entûlo n'enterekero oku byaha. ² Anahash'ifîra abahwinja y'Abayahudi olukogo., Bulya naye yêne agwasirwe n'obuzamba. ³ okwo kwo kurhuma arhegesirwe arherekere enterekero oku byaha byage yêne nk'oku ajira oku byaha byolubaga. ⁴ Ntaye ocihâ Obwo bukuze yêne, ci kuhamagalwa omuntu ahamagalwa na Nnâmahanga, nkakulya ahamagalwa Aruni. ⁵ kwo n'a kwo, Arhalolaga Kristu yêne wacijiraga mudahwa mukulu, ci Olga wamubwiraga, Erhi: We Mugala wani, nie nakuburhaga ene. ⁶ N'a kulya adesire ahandi,erhi: Oki Mudahwa ensiku n'amango Aka Melikisedeki. ⁷ erhi aciri en'igulu, arhûla ensengero n'amingingo omu kuhamagalwa gwge bwenene n'omurhima emirenge erhi ashenga Olga wali ohashire okumufumya olufu. Ayumvibwa erhi bukenge bwage burhuma. ⁸ Nobwo âli Mwene Namuzinda, ayiga oburhumisi omu malumwa abwine. ⁹ N'eryo ayus'iba mwimâna, ahinduka imerero ly'obuyemere bw'ensiku n'amango kuli balya boshi bamuyumva, ¹⁰ Bulya namuzinda adesire oku ye Mudahwa mukulu aka Melikisedeki. ¹¹ Kuli okwo rhugwerhe binji by'okumubwira, ci okubihugula kuli kuzibu, Bulya muli bahwinja b'okuyumva ¹² Nobwo rhinga kurhenga mira mwe mwankabire bayigiriza, mwabo, mukolaga kandi mulagirire okunyigirizo z'omurhondero z'ebinwa bya Namuzinda, mwahika aha abakulua balonza omonka ahali he biryo bizibu. ¹³ Kwo binali: ngasi yeshi wacilonza amonka, arhankanunirwa n'enyigirizo z'obushinganyanya; bulya aciri kabonjo. ¹⁴ Abimâna bôhe, ebiryo byabo, biba biryo bizibu, balya bakomerire obwenge bwabo okumanyirira ecinja n'ecibi.