¹ Bbanamami, npka kaenikana ka sobbiya pooni, bbe ibbebbuli na mulima ma welikana, bbu nsikise abbe mpyaka npka tayi miyo ka mulima sa ddaddayi, koejiibha mulima ako kulukubhika ka duwa sa kwenkinga uwe nkumi. ² Kikonyane nkumba na kola bbinjo kilagilo ndya Kilisito. ³ Kabba npka ketangiya bba kima, naaye na kali kima kuudima mulima ndyaki. ⁴ Noo bhuli npka ajibhe mulimo ndyaki ye nkumesi andu abbe na kwe kungisa subba mulima ndyaki, noo kalikindya daki. ⁵ Noo bhuli npka akikumba nkumba ndyaki ye nkumesi. ⁶ Noo eyemindya egesebhwa subba looki, alike naye mindya egesa subba looki poni ndyali Amabbonga. ⁷ Bbakaku bbudimaga : Mambombi kali sa zenisaki, ndye npka agubhiyo andu ndya kihulula. ⁸ Mindya kigubha ka koozo akihulula ka koozo sa luuza, noo mindya kigubha ka mulima akihulula mulima bbuliki ndye kakusiagabhe ⁹ Bbi kililelaga kola mabbonga, nanga kiddakihulula ka mbono ndya ki kakabbe nikibbe nikisyelikani. ¹⁰ Dumbino, bakijibha menzo, kikole mabbonga ko wa bbapka pooni, siini kowabbo ndi bbabbali ka ndabbo ndya Yeso. ¹¹ Bbuzibhe ali ka handiko bboni ma nyeta ndye nibbuandikilia ka kibboko ndyamo emi nkumesi. ¹² Bbo pooni ndi bbakienikana na bba bbongi ka kima sa kozo, bbakibbutumiliaga bbenu tinaanu bbakala ena bbuusu juu sa musalabba ndya Kilisito. ¹³ Nabbo ibbabbatinibhwa bbaka gbeyi kilagilo, noo bbenu bbutinibhwe andu bbe kugise ka kozo ndyanu. ¹⁴ Noo emi, kilikyekugisa napiipi kakima noo ka musalabba ndya abhasu Yesu Kilisito, kowaki gwabbimba akongaa kindyamo, nemi kagwabbimba ! ¹⁵ Nanga subba Kilisito tinibhwa kalikima kedda bbulatinilibhwa, noo npka mpyaka. ¹⁶ Na bbopooni ibbatomba kilagilo yoho, bbuliki Amabbonga kindyabbo na ka Esilaeli ndya Mambombi ! ¹⁷ Tukiliya endindi npka kakutodda bbulizami nanga nimulola Kilisito subbami. ¹⁸ Bbanamami, koobbu nayankumasu Yesu Kilisito abbe imamoti na mulima ndyanu ! abbabbu !