¹ Noo, tukilia kala miki muli mwandu, nigiti akyenya naga bbya nziana, akibhalaga abbe mwalimu sakima poni ; ² noo, akibhalaga abbe nambusa ntwa akili nabbatwa bbilagilo, sungeliai kambono ndye abhaki abhisabhe. ³ Nabbesu, bbinjo ddee, ndye kibbio bbaniki, yekyekolaga bbya bba sianaddee kagwabbimbayoo ; ⁴ noo, ndye mbono aduaibhe, Mambombi nakintika miki mundyaki, mundye nkali, abbokoti, nabbokotiani mambusa kilagilo. ⁵ Kaddakilia andulu abbukumbe bbee ndibbo bbabbi nambusa bbilagilo ndya abhaki, andulu bbabbupokeya bbaniki ibbaki. ⁶ Nanga olimiki, Mambombi atika subbamulimasu molimoli ndya miki mindyaki, mundye aheka nalaso : Abba ! Abba ! ⁷ Bbinjo koli sialabaa, noo, miki, na kobba noli miki, newe olimuli mwandu ka kobbu ndya Mambombi. ⁸ Noo kambononjo, bba kebbenibbuibhimbe Mambombi, yebbupesyaga bbalimo mani ndibbo bbakali bbasu ; ⁹ noo enindi ndye bbumuibha Mambombi, toli bbusikya bboni kalokisa bbanyama nabbanako kateketa, nanga dou ndyekebbali yebba bhalaga pasyabbo todde ? ¹⁰ Bbutangye tolo, sungi, mbono na bbamiaka ! ¹¹ Nitiya kola kanu mulimo bbenu. ¹² Bbubbe bbyemi, nanga nemi nilibbya bbenu. Bbanami, nibbuga gamili. ¹³ Bbukunikola ziddi baa. Nabbui bha nesi nimamikisa loki ndya Mambombi amawelekana nanga bbulu amani sakozo. ¹⁴ Nakinga ndya bbuduabhe subbakozo ndyamu bbukugaya kedda komai, bbupokya tabbi bbamalaika ndi Mambombi, bbya Kilisito Yeso. ¹⁵ Alimani kindye okueneliaga mani salo ki ndyako ? nanga ni bbupimia, noo kedda akubbagabhe, ndumbi nibbubbueku iso bbunipesye. ¹⁶ Togu noo nilibbi ngighundyanu katolianu mazima ? ¹⁷ Bbee bbaniki ndibbo bbaliabhe zu sako bbakali bbako, noo bba bhali kukyebbuabhe bbesu, kaddakilia andulu bbabbe nepkegbu kindyabbo. ¹⁸ Agbokiliania kweyanisa subba kima mawelekana toloponi, kebbe mbono ndyekili nabbenu nemi nenkumi nilia mamoti nabbenu ddee. ¹⁹ Bbaniki bbamu ndibbo bbubbuonelio tukilia kala doisai toddekindya Kilisito aumbuke subbanu, ²⁰ nibbi kabhala endindi bhiabhia newe, na ongaibhe newe, nanga eminili na kweyunga sini kaloki ndyanu. ²¹ Bbunitoliye, bbenu ndibbo bbuka bhala ntombilia bbilagilo na mbusami, bbukulu kubbundilia bbilagilo ? ²² nanga bbahandika nesi Ibrahimu, nesi abbio nabbaniki na moti nali nkali mundye akibbu yambaga bbanpka. ²³ Noo minjontwakazi abbokotua subba kozo, nkali mundye namuluku abbokotua nakulaganisa. ²⁴ Loki yoo ndia aongebhua jibhiliaibhe, nanga yoo alikima sa lunganisa kozo, moti tuka kagusya ndya sinai mundya bbokotanika mwena bbusu, naliseye. ²⁵ Nanga agali ali gusya nsya kasanai nali gusyandiali ka Arabia, napakani na Yelusalemu ndye ndindi, abbuabbete akikolaga nabbaniki. ²⁶ Noo ka Yelusalemu kindye npka kali, ali kindya amasu ; ²⁷ nanga ahandikuo, oddeddelue, uwemundye ko bbokoti ! owike na ouiselaso uwemundye koli najigidulua poni sabbokoti ! nanga bbaniki ndibbo bba bbuduo ndibbo bbakotiania ndibbo bbabbio ni bbahamani. ²⁸ Bbasi bbamami, bbya Isaka bbesu ddee bbani ndibba Daudi. ²⁹ Noo bbinjo katolonjo ndiee bbokotua ka kozo bbya muyudaya mundia abbokotua subba mulima, andulu nabbinjo nendindi. ³⁰ Noo bbihandiko agii bboni ? omuume nziana namiki mundyaki, nanga miki mundya nziana kada mwonjililia mukwa nkali mundye kamini. ³¹ Aliseki, bbanamami, nanga bbikili bbaniki ndibba nziane, noo kilibbaniki ndi bbankali mundya kahamani.