¹ Nesiyo ndiakateketa, Paul nkuenda mindia Yeso ka bbalandia Mambombi, na Timoteo namasu, ² kowa bbamawelikana na bbanamasu ndibba bba gbokiliani subba Yeso ndibbali Kakolosayo : kobbu abbe kowanu na daidai tuka kindia Mambombi abbasu ! ³ Kinsikisili nkisa Amambombi, abba nkumasu Yeso Kilisito, nikilia kingunga Mambombi kowanu tolo poni. ⁴ Nekiliakaoka makulu sa hikia ndianu subba Yeso Kilisito, na sa kundana ndiobbulinai kowa bba mawelekana poni. ⁵ Nanga kakatotwa kuesigia, ndiabba bbisakanu bbia akotuka Mbinguni-gulu, makulu ndiaki ndiobbuokabbe kalasio, ka lokisa tooto sa makulu mabbonga ndiabbuhikilia ibbai. ⁶ Ndilisubbanu, na ka gwabimbaponi ; na bbokota mbuka na likaibbe nesindiealiyo subbanu dhee, tukilia tolo ndiobbuokana ibba kobbu ndia Mambombi subba mazima, ⁷ Dhee nesindie Epafra abbutolia mindia kikundasini dasuka mulimo ye nkoli mindia gbokilianio kowa Yeso Kilisito kakotwasu, ⁸ naye dhee mindiakitolea makulu sa balana ndianu subba mulima ndiabbupesi mani. ⁹ Andulu keinjo na bbesu dhee, tukilia tolo ndiekimesia okai bbikidhumbe kunga Amambombi katotuanu, na dhee kungaki sekina bbumadise bba na ibba bbala ndiaki, na kakutwa kanji poni ndia mulima ndia Mambombi, ¹⁰ ka dhetaga nesindie agbokiliani kowa nkumasu adhedhelue bbiani, bbubbokota mbuka subba mulimo ndianu poni amabonga, dheebbuye na musa ka ibba Mambombi, ¹¹ Bbupesie mani poni, ka manisa nguko ndiaki sekina bbubbe na bbundilia dhee na telemanu na dhedhelwa : ¹² nubbulia kuensima abbasu mindyakilunganisa bbasu subba bagwetwandibba Mambombi subba bhenu. ¹³ Ye mindiakitukisa ka manisa kilimikiaga na galiasu suba kusalia ndia miki mindiambalio, ¹⁴ subbaki kilina kulama ndiasu, dhee ganilia nsobia ndiasu. ¹⁵ Emuenyagi Mambombi mindia keenikani, mindia bbokotiana kateketa kowa poni ndialibe. ¹⁶ Nanga subbaki abbabe poni ndiali gulu na gwabimba, ndiaenikanio dhee nendiakaenikanio, kusalia poni, bbatwa nkuko poni, babbabe kowaki na katotwaki. ¹⁷ Iye ali na musasa kimaponi, na subaki poni alungana subbaki. ¹⁸ Ye ali muhuka ka kozo sa nkanisa ; ali mindia katandika, bbokoti ndiakateketa kowa ndibbakuwo, sekina abbe mindia kateketa ka kima poni. ¹⁹ Nanga Mambombi abalikima poni alikebe ; ²⁰ na kowaki lunganisana kima poni kindiaki na bikisa daidai kolilia ka magila ndia ka musalaba ndiaki ; ²¹ Newe mundiobbi kala ngeni na ngigusa nsobbia ndiako na katotwa ndioyokola zidhi, endindi atodha kuulunganisa neweka kuwa ndiaki suba kozo sa nyamaki, ²² dueti uenikane namusa saki npka mawelikana na makanga zangaga poni na sogosako. ²³ Tino kabba nobbukulikaswa hikya, bbanu bbianibbiani, kanga galianu dhanga na kuesigia makulu mabbonga ndiobbu oka, ndiabba bbutolia bbapka poni kusia gulu kakuba, nemi Paolo niikolaku bbami nkwenda mindiaki, ²⁴ dumbino endindiyo nidhedhelu ka muena bbusu ndiamo katotwanu ; na ndibbakali kamwena bbusu suba Yeso, nidhakilika kozwami, ka kozwaki ndiali nkanisa. ²⁵ Nemi anikoliku nkuenda, nesindie mulimo ndia Mambombi anipa kowanu, nitokebbiani tolianu lokindia Mambombi, ²⁶ apibo ndiesomia katolo biai na subba saaga bbiai noogu aibikanai endindi kowa bbapka ndibbaki, ²⁷ ndibba Mambombi abala kolai ansabbo bbuguda ndiaka apibo njo subbandibba bbakamwibi Mambombi bbapagani, Ibba : Kilisito kowanu, kusigia sa nguko. ²⁸ Iye mindie kikimuongagabbe, na hanulilia npka poni na egisa npka poni ka kutwakanji poni, sekina kibbubikise kindia Mambombi bbapka, na bbalabbi bbamawelekana subba Kilisito. ²⁹ Adhundu ninkakola, nenisigi mani ndiaki, kola mulimo subbami.