¹ Dhumbino nesindie Kilisito amwena busu suba kozwaki, bbenu dhee bbuololise injo nesindie abala ; nangaye mindia mwena bhusu subba kozo adhuana na kolaga sobia, ² tuke endindi bbukulukutodha bbukulukulikaswa tangalandia bbapka, katolo ndiatigei koanu lika subba kozo, noho nesindie Mambombi abalio. ³ Nanga kabbuliki ndiasu ndiakoliaho asungeli menzo sakola balandia bbapka kagwabbimba, na mamamikana ka ngidha, natangala, natamila, nabbugeni satakudha, na mwenge yasiponi, na gulumilia bbaliimo ndiatamanani sini. ⁴ Nabbonkili abbutinia nanga bbuduyanu nabbo yauka luzanaga ndiamada sini, na hambililianu. ⁵ Bbo bbaku bbikisa ndiabba baliliokindiaki ye ntini musango kowabbo ndibbabbalikio na ndibbaba kuwo. ⁶ Nanga keinjo duaka ndibbabba kuwo ndibbabbaoka makulu mabonga, sekina bbabbutinilie musango, bbia bba bbabatwa kozo, noho bbabbe ndibba bbalibe kamulima nesinde Amambombi alibe. ⁷ Noho poni sungeleai alibiia. bbubbeno na iiba na ziba suba kunga. ⁸ Sinisini salokioho poni bbukundane sinibbenu koa bbenu subba kimaponi, nangabala akugbukaga nsobia biai. ⁹ Bbuhikiane subbanu ngungwanu kanga mulimazidi. ¹⁰ Npka poni nesindie abba nenjomani, akolise subanu, bbapka ndibba bbaibi kobundia Mambombi. ¹¹ Npka kaonga aonge kaloki ndia Mambombi, npka kakola, akole ka manindia Mambombi india mpesio, sekina subba kima poni Mambombi anguke ka nesio ndia Yeso Kilisito. Nguko na mani alinsiakii doisa tolo poni na tolo poni abbebbu. ¹² Ndibbe nibbubala, nkili kalakibbutina ka kinga sakala ndiali subanu, ndiabbu kidibe kinganu, bbia kima ndiali ngeni ndiabbukidibbe. ¹³ Noho nesindie bbu lunganisi subba mwena ndia Kilisito, bbuddelwe, sekini katolosa enikana na nguko ndiaki bbuddeddelwe bbiani. ¹⁴ Bbaka bbuongabe ziddi katotwa ina ndia Kilisito, bbuli sa bbulolesini ; nanga mulima sa nguko na ndia Mambombi, alikigwano. ¹⁵ Kiseno npka kalakumwena bbusu subbanu bbia mwoli, kedde nsuma, kedde nkoliziddi, kedde bbia npka mindiebisi subba kima ndia ndibbetto. ¹⁶ Noono npka kamwena bbusa nanga ye ali Mukilistayo, kalakubba nasoni, noho angukise Mambombi keinaho. ¹⁷ Nangano tolo amesi kiddai sa musango ddani subba ndabbo ndia Mambombi ; ti katandikilia kindiasu, kaddakilai bbo ndibba bbakiti makulu ndia Mambombi akubba bboni ? ¹⁸ Dde nesindie ntwa majima kazzimiaga kulama, minjo mindiakanti Mambombi, ntwa nsobia bba kuenikana na mani ? ¹⁹ Dumbino ndi bbabbaka mwena bbusu kabala ndia Mambombi, bbambisilie mindiabbu hangantwa majima bbuliki ndiabbo kakola ndiali mabbonga.