¹ Mu mwaka wa cumi n'ine wo ku kerebu y'Umwami Hezekia, senatse, ater' imidugudu y'i Buyuda yose yar' igoswe n'inkike, arayisinda. ² Bukey' Umwami wa Ashuri ar' i Lakishi atuma Rabushake ku wami Hezekiya i Yerusalemu ari kumwe n'ingaho nyinshi. agezeyo ahagarara ku mugende w'amazi y'ikidendezi cyo haruguru, cyari ku nzira yo mu gisambu cy'umumeshi. ³ Asanganirwa na Eliakimu mwene Hilukia umunyarugo na Shebuna umwanditsi, na Yoa mwene Asafu umucurabgenge. ⁴ Rabushake arabagir' ati: nimubgire Hezekia nonaha muti: Umwami wa Ashuri aradutumye ngo: ibyiringiro byawe ni byiringiro ki? ⁵ Ngw inama zawe n'imbaraga zawe byo kurwana n' ubusa. Arik' uwo wiringiye ni nde, watumy' ugandira? ⁶ Erega wiringiy' inkoni y'urubingo rusadutse, ni rwo Egiputa amerer' abamwiringira bose. ⁷ Kandi ni muvuga muti: twiringiy' Uwiteka Imana yacu; mbese si yo Hezekia yasenyey' ingoro n'ibicaniro byayo, akabgir' Abayuda n'ab'i Yerusalemu ati: muzajye muramya mur' imbere y'iki cyotero cy'i Yerusalemu? ⁸ Nuko rero usezerane na data buja Umwami wa Ashuri; ubganjye nzaguh' amafarash' ibihumbi bibiri, niba wow' ubgawe waziboner' abayajyaho. ⁹ Wabash' ute kwirukan' umutware n'umwe muto cyane mu bagaragu ba databuja? kandi wiringiy' abanyejiputa ko bazaguh' amagare y'intambara n'abagendera ku mafarashi. ¹⁰ Ngo, mbese nzamutse guter' aha hantu, nkaharimbura, ntabitegetswe n'uwiteka ni we wambgiy' ati: zamuk' uter' icyo gihugu, ukirimbure. ¹¹ Eliyakimu na Shebuna na Yoa basubiza Rabushake bati: turakwinginze, vugana n'abagaragu bawe mu Rusiria, kuko tumwunva; ariko we kuvugana natwe mu Ruyuda ngw aba bantu bari ku nkike babyunve. ¹² Nuko Rabushake araabgir' ati: mbes' ugira ngo databuja yantumye kuri shobuja namwe kubabgir' ayo magambo? ntimuzi ko yantumye kur'aba bicaye ku nkike kugira ngo barir' amabyi yabo banywer' inkari yabo hamwe namwe? ¹³ Maze Rabuhake arangerur' ijwi rirenga mu rurimi rw'Abayuda, ati: nimwumv' amagambo y'Umwami mukuru Umwami wa Ashuri. ¹⁴ Uwo mwami arantumye ngo: Hezekia nta bashuke; kukw atazabasha kubakiza. ¹⁵ Hezekia ntabiringiz' Uwiteka, aba bgir' ati: n'ukuri Uwiteka azadukiza, kand' ati: uyu murwa ntuzahabg' Umwami wa Ashuri. ¹⁶ Mwe kumvira Hezekia, kuk' Umwami wa Ashuri antumye ngo: mwuzure nanjye, musohoke munsange, muntu wes' abon' ukw arya ku muzabibu we no ku mutini we, n'ukw anyw' amazi yo mwiriba rye. ¹⁷ Kugez' ubgo nzaza nka bajyana mu gihugu gihwanje n'icyanyu, kirimw ingano na vino n'imitsima n'inzabibu. ¹⁸ Mwirinde ko Hezekia abashuka ngo: Uwiteka Uwiteka azadukiza. mbese har' indi mana mu mana z'abanyamahanga yigeze gukiz' igihugu cyayo amaboko y'umwami wa A shuri. ¹⁹ Imana z'i hamati n'iza Arupadi ziri he? Imana z'i Sefaravaimu ziri he? mbese zakijij' ab'i Samaria amaboko yanjye? ²⁰ N'iyihe mu mana zose zo muribyo bihugu ya kijij' igihugu cyay' amaboko yanjye, kugira ng' Uwiteka akiz' i Yerusalemu amaboko yanjye. ²¹ Abantu baraceceka, ntibagir' icyo bamisubiza, kuk' Umwami yari yategets' ati: ntimugir' icyo mumusubiza. ²² Hanyuma Eliyakimu mwene Asafu w'umucurabgenge baraza basanga Hezekia bashishimuy' imyambaro yabo, bamubgir' amagambo ya rabushake.