¹ Kusira obhansa rutiruti kuri mbi bhari kumunda na Yesu Kirisitu. ² Bhushwa e myomba ye bhuingo bwe mutima kuri Yesu Kirisitu bwakunteanya e myomba ye bhubhi n'er'ikwa. ³ Bhushwa nti rakocheka mo myomba, bhush'e mubhi warukishanga yo maa, Ongo wanena ebhubhi, watuma musike we mo mubi bhush'ebhubhi, Musikewe mu mubhi ususene na w'ebhubhi. ⁴ Wakukiambo bhushwa e bhuritohe bwe myomba bhusanguhe kuri bhate mbi tutangenda mo mubhi ina mu mutima. ⁵ E bhari mu bye mubhi, bhashima e bhinwa bye mubhi, nambi bhari mo bye mutima, bhashima e bhinwa bye mutima. ⁶ N'er'ishima r'e mubhi, oku, eina er'ishima r'e mutima bhuingo na bhuhoro; ⁷ Bushwa e mubhi washima bhita na Ongo, bhushwa utangasimirana ne myomba ya Ongo na utakachi nakubha. ⁸ E bhari mu bye mubhi,bhatakochi imoesha Ongo. ⁹ Bhumbo,bhaanu kiro mubhesa ho bhushwa e mubhi,ina bhushwa e mutima ,kubha e mutima wa Ongo urikirire kumunda ninu. Kubha mwea usira e mutima wa Kirisitu,nti wae. ¹⁰ Kubha Kirisitu uri kumunda ninu,moharo ruma,e mubhi wamakind'ikwa bhushwa e bhubhi, na muharo rumpe,e mutima washere bhuswa ereira. ¹¹ Kubha e mutima wangu wafuranga Yesu mu bhakwire uri kumunda ninu,e wasimonga Yesu mo bhakwire wasebhuninkayo bhuingo mo mibhi y'inu y'er'ikwa,ietere e mutima 'ng' uri kumunda niinu. ¹² Bhumbo,e bhanakitu,nti turi tu na mwinda we mubhi muribhesa mwisasa re mubi. ¹³ Kubha mwetinge bhuri bhea bha mubhi,mukukwa,ina kubha mo mutima nti mumashura e bhikai bye mubhi,mutumukwa. ¹⁴ Bhushwa ebhati mbi bhenjiwange ne Mutima wa Ongo,imbo ngi bhana bha Ongo. ¹⁵ Mor'oharo rwinu,nti mureninkwa mutima wa bhukobhe mubhesi mu bhobha,iina muninkwanga mutima w'ibhesa bhana,ng'isingwange twakuwa: Aba,Tita! ¹⁶ E Mutima mushasha w'isine kariho hima ne mutima witu 'mbu bhate bhana bha Ongo. ¹⁷ Na kubha bhate bhana bha Ongo,na bhate twa'nswa mo mwandu: bhate bha shemyandu hima na Kisiritu,twamabhese nti tunubhange hima nae,kongo twatatwayo hima nae. ¹⁸ Nanikirange mbu e minubho yarun'otu mu kino chuo,itamukoch'isuse bhuhime washeiwayo bhate. ¹⁹ Bhushwa mbi bya bumbwanga bhirindirange na muho mukiri ebyasheiwayo ebhana ba Ongo. ²⁰ Bhushwa inchi chabhumbwa chabhesa ho mu mwetunduriko, nti mw'isasa ra'cho,iina murisasa rangu warikere cho. ²¹ Hima na mwenyihiro, echabhumbwa chooshukarayo n'ibhesa na muhango mo bwime bw'ebhana bha Ongo. ²² Tusi mbu e bhati mbi bhabhumbwanga,bhakiri bhanubhange mo bwae bw'er'ibhutwa iya na run'otu. ²³ Na nti icho ho;ina na bhate bhesiine mbi turi ne byuma bya roso bye Mutima, tubhibhengi mo Mutima,moririndire eribhutwa, er'ikururirwa r'emubhi witu. ²⁴ Twaroshukara ietir' emwinyihiro;n'e mwenyihiro wamasungwa ntinti mwenyihiro tu,bhushwa inye ng'wamwenyihire inchi chamasunga we? ²⁵ Ina kuti twenyihire nti neki mbi byasunga bate, nti twarinde byo na mwenyihiro. ²⁶ Bhumbo hotu, e Mutima mushasha utusakengi mo bhutetera bwitu,bhushwa nti tusi bwamuhema bhate, iina wisine utuhemengi mu mpumuro nji itakochiebwa. ²⁷ Ing'urorotange e mitima,osi e myanikiri ye Mutima mushasha,bhushwa uhemengi mbi bhashuururwa etukana n'er'isasa ra Ongo. ²⁸ Tosi bhuno mbu,kinsi kikai ch'isakembi ebhashima Ongo, imbi bhabhikirwanga bhushwa bwae. ²⁹ Bhushwa e bhasibhanga e kubhusondori,waninkanga bho bhususe bwe mwana we kongo Musike we wabhesa ntangi munkati na bhanachabho bhingi. ³⁰ Imbi bharondorange we ra roso ngi bhabhikirangawe hotu,washurura bo,imbi bhashururangawe,waritundurika hotu bho. ³¹ Kinki ngi cha mebha tu bhate bhushwa ne binwa mbyo?Ongo wamabhe hima nitu,inye ng'wamutukwanya? ³² Ingu nt'watusimanga musike we wesine,iina wamusiburanga bhushwa nitu bhate bhati,bhuni wamakia watatuninki kinsi kikai hima nae? ³³ Inye ng'wasongereyo mbi bharirondorwa na Ongo? Ongo ngushururanga. ³⁴ Inye ng'wahakanyayo bho? Yesu Kirisitu,iwe ng'war'ikwa na chahund'irenga, iwe warifuka,uri muruharo rwe kwabhume kwa Ongo n'utuhemengi! ' ³⁵ Inye ngwatusianyayo ne nchimi ya Kirisitu? Ramabhe nty'emereko, kuti e bwae, kuti e rishurwa,kuti e rwaka,kuti e munkanga,kuti er'ishiriwa kuti ari mwere? ³⁶ Etukana n'ebwatiranyiwa cho: bhushwa nabhe tushurwange kirotu. Twasusa mburi sienda kakerwa. ³⁷ Eina mo bhiti mbyo,twasum'irenga e bharai ietere kuri ngu watushimanga. ³⁸ Bhushwa n'iri n'esimira mbu rabh'ikwa,rabhe bhuingo,rabhe ngashani,rabhe mbi bhasimanire e chuo,rabhe mbi bhiri runotu,rabhe mbi bhiseyayo;rabhe. ³⁹ ari bhunkangwea, rabhe bhore bwe kwiyo,kusira nanchi charebhumbwa chamatusianya ne nchime ya Ongo,inji yasungwa kumunda na Yesu Kirisitu,Mukota witu.