¹ Pauro mufuku wa Yesu Kirisito, wabhikirwa wabhesi mwemisa, warondorwa mo ritura e mwasi wa Ongo. ² Inchi charawanga ra roso na Ongo iyetere kuri e bhatahwa bhae mo mitiro yashuururwa. ³ Munchi chakae musikewe , ingu uri mo r'ubhuto rwa Daudi itukana ne mubhi, ⁴ Wabhikirwanga musike wa Ongo mu bhunkangwe we mutima wa bhushuururwe, murifuka rae munkati n'ebakwi; Yesu kirisito Mukota witu. ⁵ Itukire kuri we ngi twasheenga e nchumo yerimukore irisha mo rina rae e rirukira re nsimiro ebhati'mbi nti bhasimira, ⁶ Bhanu bhima munkati nambi bhabhikirwanga na Yesu Kirisitu. ⁷ Mo bhatimbi bhari ku Roma, imbi bhashimwa na Ongo bha bhikirwa ibhese mbi bhashuururwa: e nchumo ne bhuhoro bwa Ongo Tita witu na Mukota Yesu bhibhesi n'inu! ⁸ Ra roso, nakurucha eshima kuri Ongo wani iyetere kuri Yesu Kirisitu, Bhushwa banu bhati itukana nambu bhusibhirwe e nchumo yinu mo chuo kiti. ⁹ Ongo ngu ukorengi ani mo mutima wani ietere mo kinwa ch'ekaramo cha musike wae ina usi kirotu e bhubhutikonga ani. ¹⁰ Nikonganga kirotu mo mahemo ani kongo nasheeyo e bhukokome, bw'iya kuri bhanu. ¹¹ Bhushwa naraa ibhusunga, mwibhuture bhushwa bw'e mihango y'e Mutima kongo mushee e bhunkangwe bwe mutima murirengecha e nsimiro. ¹² Na kimpe, hima bhate bhati tushei muho munkati niinu mu nsimiro inji yashangira bhanu nani. ¹³ Ntamukochi bhusia nti bhanu musi, mbu niri na mwanikiri ngendo ningi wibhusunga kongo nakao e mikorere kuri bhanu bhuri e bhimpe byuo, narefundwa ro iya runotu. ¹⁴ N'esubhurwa e kubhugriki na mo bhitengi n'ambi bhari na bweenge nguru nambi nti bhasi. ¹⁵ Bhushwa naraa nguru muribhuture e mwasi wa Ongo muumbi bhari ku Roma. ¹⁶ Bhushwa nsira nkene yekinwa cha Ongo, maa a Ongo mu nchukayo ya kinsi mwea, Muyahudi ra roso, hima ne bhayunani. ¹⁷ Bhusha kumunda nae kwasheiwa e reira ra Ongo mo risimira na mo nsimiro, imbu bhuratiranyiwa cho: e w'er'eira, waarikayo mu nsimiro. ¹⁸ E bhusubuke bwa Ongo bwasungwa mu kinsi bhubhi bhuti bwaruker'eira mu bhea bhatingengi mw'iruka iira r'etingirwa. ¹⁹ Bhushwe imbi byamusibwa kuri Ongo byasungirwa kuri bo, Ongo w'esine ng'wasibhishabho byo. ²⁰ Himpo e bhinwa byae bhitangasungwa , itukire irebhumbwa re chuo bhisungwange eira, bhisibhirwe mo mikorere yae, iya na mo bhunkangwe bwae we matuati na murikocha rae; bhatamusasirwa : ²¹ Bhusha murisibhabho Ongo, nti bhamutatanga buri Ongo, na nti bhamuninkanga otunda; ina bheriminya mo myanikiri y'abho,na mo mitima yabho moriruk' ebwenge bhitaa mo mwerimya. ²² Bhesunga nti bhari na bhuteesa , bhabhunduke bhashire; ²³ Na bharebhundura e bwime bwa Ongo eutamuninkwa mihakiriro mubhususe ebwasheae mwea we mihakiriro,mironge, nyama sa mind' inye, ne sikururukange. ²⁴ Chasingwa Ongo wasibhurabho mu bhushe embusha ye mitima yabho; kongo bhanena bhesine emibhi yabho; ²⁵ Ibho bharebhundura e r'eira ra Ongo mo manko, na bharitata n'ikore echabhumbwanga irenga e mubhimbi wakasanirwa e matuati. bhibhesimbo! ²⁶ Ngyaresingwa Ongo warekebho mu mbusha sa nkene: bhushwa e bhomina bhabho bharesia e mikorere yaroso munji nti ya karekare; Nambo hotu e bhabhume bharesiya e mikorere ya karekare y'e mumina,bhemisa e mwanikiri wabho bhima mu bhampe ikiya wabhume na wabhume bhikai bya nkene,n'ishee bhesine eruhembo rwe ririmina rabho. ²⁸ Imbu nti bwaraanga bho mwesibha Ongo,Ongo wareke bho mo mwanikiri wabho wema, mwironja bhikai nti byakomenwa bho, ²⁹ Bhurisere bho kinsi bhususe bweruka eira, bwa bhubhi, bwa karawa,bwa bhukongobanya, bharisere karawa,bhuyeri,mbangu,mpuse,bhukarange, ³⁰ Bhahambiki,bamitato,bhari na mikonsi,bheyume,bhakwitata,bhiebha bhituratura,bhiebha bhinwa byema,nti bhatunda e bhabhuti bhabho,bhasira bwenge. ³¹ Nti bhari n'iteerera, nti bhashima e bhisasa byabho, bhasira nsasi. ³² Nakiro mbu bhasi erobhansa rwa Ongo, Ebakorange bhinwa bhuri mbyo, nti kora hobyo Ina ho tu bhasimira ebhakorangebyo.