¹ Otu rweinga rwakia rwamasira Maria Makitarena,Maria nina wa Yakobo hima na Salome bhachura rungo bhushwe bhasigu e mubi wa Yesu. ² Mukomakoma rwe roti rwa roso, bhenda e kwisinda. ³ Bashishana : Inye wa bunduranya erikoi ndi ha miango ne risinda? ⁴ Irubukire,basunga e rikoi risira tu hamiango ne risinda. ⁵ Bhakime kumunda ne risinda bhakumana kumunda musike uma wambara nganju ya marekani, bhakwa koha. ⁶ E musike were bho: Anga mukwa koha,bhanu musondange Yesu wa ku Nasareti e wakuhanikwanga muriango, wakufuka rero, nturi tu hano,mukai hakuriarwanga we. ⁷ Mwendi k'iremb'wamabhusondore e bhamisa bhae hima na Petero mb'wama bhusondore ku Galilaya, ngi kwa musungire bhanu bhuri bwa bhuraanga we. ⁸ Bhatuka mo risinda ni kanyaha nti bhari na koha kingi bhataturi mwea uti uti e mwasi ngo bhushwe ne koha kabho. ⁹ Yesu wafukanga mukomakoma we rotu rwa roso, wasaire Maria Magdalena, ungo waramyange we mo bhashumbu bharinda ¹⁰ Wenda katura emwasi mo bhea bhati bhimbo bhe bhonso ne bharengi. ¹¹ E bhamisa bhakia bhamorukira e mwasi mbu Yesu wamafuka na wamasungwa,bhatasimiri. ¹² Kuruma naha, wasungwa mo munse mu impe nsusanya na bhemisa bhabhi nti bhendange mo rubhungu rukeke. ¹³ E bhemisa mbo, bhatureo bhanachabho, ina bhatasimiri hotu. ¹⁴ Hende, wasaire bhemisa e kumi n'euma nti bharisange, wafine bho mo bhukwemi ne mitima yasuma, bhushe nti mukusimira erifuka rani bhushwe nti mukwikairenga. ¹⁵ Were tubho: Mwendi mo chuo ekiti, muture e bhinwa bya Ongo mo bhea bhati. ¹⁶ Ewa simira nirubhikwa woshukare ina e watasimiri wendayo mukasha. ¹⁷ E bhishisharo bhino byasungwa mumbi bhea bhasimira. Mo rina rani bhasehensayo e bhashumbu, bhebhayo mwebhe mushasha, ¹⁸ Bhatingeyo nsoka kuti bhomo bhuti, bhutakoch' ishura bho, bhuti bhitakoche ishurabho,bhahemi e bhakoni nti bharama. ¹⁹ Yesu mwi hea iere bho, wataya ekwiyo, warika kwabhume kwa Ongo. ²⁰ Bhenda e kuti katondesa.Ongo nturi nabho hima ne bhisonsomorangebho nti bhitindikirwange ne bhishisharo.