¹ Mo mwaka we rikumi n'esanu mo bhusime bwa Tiberio kaisari, mu ntambi Pontio Pirato wabhesanga ntwasimanire e chunda che chuo cho ku Yudea, na Herode mubhake wa ku Gariraya, na musiky'abho Firipo mubhake wakw'iturea na mo chuo cha ku Tarakoniti, na Lisania mubhake wa ku Abirene. ² Muntambi y'e bhabhake Ana na Kayafa, mu bhakungu bhe kisinso, e kinwa cha Ongo chiya kuri Yohana, musike wa Sakariya mo bweru . ³ Na byansansabana mo byuo bhiti bye kumushimushi na Yorodani, byatura e bhinwa by'er'irubhikwa, n'esia e bhubhi. ⁴ Bhuri e bwatiranyiwa byo kumund'e karisi e bhinwa bya Isaya, e mutahwa: ungu murenge eubhikirange mu bweru: mutunganyanye e myengere ya Mukota, n'inano e sa nsee. ⁵ Kinsi mueri warisi, kir'ou na kakiiki byaahichiwayo; n'ense yekishuku yatunganyanyiwayo, ne sa nsee s'ebhiribhu sa bhumbirwayo. ⁶ Na kinsi mwea wasungayo enchukayo ya Ongo. ⁷ Ntw'ebange mo bhea bhabhesanga bheyange bharubhikwe nae: bhanu ubhuto rwansoka, inye ngwa bhuhana ibheka e bhusubhuke bwiange? ⁸ Mubhute byuma byakonda muribhunduka, kiro mweshisha bhanu bhesine: Abrahamu ngi Tita witu! ni bwerengi Ongo wamubhundura e makoi ano n'ibhesa bhana bha Iburahamu. ⁹ Ne mwanda wa mariarwa moritina remuti: kinsi muti eutabutanga use kerwayo ni tawa munkati e kasha. ¹⁰ E kikembe cha mushisha, chebha: tukie bhuni? ¹¹ Wasubhie bho, ingu ukwengi myambaro ibhi waninke ngu ntukwengi, nangu 'kwengi bhirisa wakie bhumbo bhumbo. ¹² Wasunga bha shemukongoro bharubhikwe nae, bhamushisha: e muhani, tukie bhuni? ¹³ Wasubhie bho: kiro muhema bhingi irenga ebyahemwa bhanu. ¹⁴ Ne bhashirikani nabho bhamushisha; tukie bhuni? wasubhie bho: kiro mwebhebha n'ekiya bhukongobanya kuri mwea utiuti, n'eshima er'ohembo rwinu. ¹⁵ Bwabhesanga bhuri e bhati mor'irinde, bhashishana kuba nti Yohana ngi kirisitu . ¹⁶ Webha kuriebhati: ani, na bhurubhika mumicha, ina wiyange mukakare indenga, na nti nakomanwa iyobhora emiri ye bhirato byae. Iwe, waburubikayo mu Mutima mushasha, na kasha. ¹⁷ Uri ne rweri rwae momine; rwa afufurayo, ni sonja embuto n'eriyayo mumbiko, ina e sampafa sa shikwayo mukashanki katarimanga. ¹⁸ Nti bhumbo nge bwabhesenga Yohana uturange e mwasi mu bhea, ni ninka bho ampe mahano. ¹⁹ Ina Herode e mubhake, Yohana wamukeme morerukira mo mwasi wa Herodia, mukari wa musikebho, na mo mikorere iti yema eyakorangae. ²⁰ Watarika tu na mu bhampe muri mina Yohana mo ngori. ²¹ E bhea bhati bharubhikwa, Yesu nae warubhikwa, na warekiya uhemange e mbingu yobhoka. ²² N'e mutima mushasha wa muhite, bhuri kampite. na murenge werikirwa mo mbingu webha: ongo ngi musik'ani e washim'ani; e nchimi yani eiti iri kuri ongo. ²³ Yesu wabhesanga nt'uri na myaka makumy'ashatu, warekiya wabhuch' emurimo wae, bhuri ebwa bhesanga bhumusibho, musiky'a Yosefu,musiky'a Eri, ²⁴ Musiky'a Matati, musiky'a Rawi, musiky'a Meteki, musiky'a Yona, wa Yosefu ²⁵ Musiky'a Matatia, musiky'a Amosi, musiky'a Nahumu, musiky'a Esira, ²⁶ Musiky'a Naje, musiky'a Mati, musiky'a Matatia , waSimei , musiky'a Yosefu, musiky'a Yuda, ²⁷ Musiky'a Yoana, musiky'a Resa, musiky'a Serababeri , musiky'a Saliriele, musiky'a Neri, ²⁸ Musiky'a Merki , musiky'a Adi, musiky'a Kosamu, musiky'a Elemadamu, musiky'a Eri, ²⁹ Musiky'a Yose, musiky'a Eliari musiky'a Yorimu , musiky'a Matata, musiky'a Rawi, ³⁰ Musiky'a Simioni , musiky'a Yuda , musiky'a Yosefu , musiky'a Yonamu, musiky'a Eliakimu, ³¹ Musiky'a Melea , musiky'a Menana, musiky'a Matata musiky'a Natani, musiky'a Daudi , ³² Musiky'a Yese, musky'a Obedi , musiky'a Salomoni, musiky'a Nasoni ³³ Musiky'a Minadabu, musiky'a Ramu, musiky'a Esironi, musiky'a Peresi, musiky'a Yuda, ³⁴ Musiky'a Yakobo, musiky'a Isake, musiky'a Burahamu, musiky'a Tera, musiky'a Nahori, ³⁵ Musiky'a Serugu, musiky'a Reu, musiky'a Pelegi,musiky'a Eberi, musiky'a Sera, ³⁶ Musiky'a Kainani, musiky'a Rufakasadi, musiky'a Semu, musiky'a Naa, musiky'a Lameki, ³⁷ Musiky'a Metusaeli, musiky'a Enoke, musiky'a Yeredi, musiky'a Mahaleli, musiky'a Kainana, ³⁸ Musiky'a Inosi, musiky'a Seti, musiky'a Damu, musiky'a Ongo.