¹ E bhakongori bhe horo bhati n'ebhea bhasene bhiya kwihi na Yesu mwimurukire. ² E bhafarisayo n'e bhandiki bhomuma mwiyebha e mweya ngu ukokengi bhea bhasene nirisa nabho. ³ Ina werebho, mushinga uma. ⁴ Inye mwea munkati ninu, kubha uri na mburi iyana, na wamariminya nima, wa masiya ema kumi mwenda ne mwenda mo bweru mwiyendatu kasonda eyakurimina iya mw'isheeyo. ⁵ Wakia wamasheeyo, nt'wariayo na ngowa habhasirwa e bhituri. ⁶ Na muri kuruka mo mu numba, nt'wabhikira bhira bhae ne bhari wendende, nishisha bho: mukokome hima n'ani bhushwa namashee e mburi y'ani yakuriminanga. ⁷ Nge bhubho, nibhushishange, kwabheseyo ngowa mo mbingu mweya uma mubhi wamoshukara, mwibha na makumi mwenda na mwenda imbi nti bhoshukara. ⁸ Inye mumina, amabese uri na bhutea ekumi, na wamariminya ruma, wafund'isacha kasuku, n'ihae e numba, n'isonda na bhurenga wiye mw'ishee tu ro? ⁹ Wakia wamasheero nt'wabhikira bhira bhae nebhari kumushi nae, n'iebha: mumoe hima nani bhushwa na masunga erutea abhesingi rwamariminyani. ¹⁰ Ngi bhubho ni bhushishange, kuri ngowa habhusondori n'esangashani sa Ongo, mubhi uma wamoshukara. ¹¹ Webha tu: mweya uma wabhesenga uri na bhana bhabhi: ¹² Ne mukeke washisha ishe: Tita mbesi ebehe bya muriya ani: na ishe wabhanyie bho e bhehe byae. ¹³ Kuruma na matu makeke e musike mwanunke watinge e bhikai byae e bhiti, nienda mu chuo cha kore, kuko wariminya e bhikai byae munse s'osingirwa. ¹⁴ Warekia wamakind'ebhiti, rwaka rukiri rwakime muncho chuo, wabhucha kwikumana mu murao. ¹⁵ Wenda keriya mu murimo wa uma mo bhis' echuo ncho, wamuriya mo mashwa ae karanga byana by'esampunu. ¹⁶ Washima isukucha e bhura bwae mo bhifundiro, abhesenga bhisiyang'esampunu, eira anga mweya wamuninkanga bhiyo. ¹⁷ Warekiya wamekuruka mo weshisha: Bhanga bhafuku mwa tita, bhari na bhiyo bhingi, nani hano nikwange n'erwaka! ¹⁸ Nsetuka, nienda kuri tita, na nisemushisha: Tita, na kukora bhubhi kuri e mbingu n'e kuri Ongo. ¹⁹ Nti nakomenwatu, ibhikirwa mwana wabhe nikoreshe bhuri uma mo bhakori bhabhe. ²⁰ Wasimana nienda kur'ishe. Wabhesenga ukiri kore, ishe wamusunga n'itingirwa na bhonso, wakanyaha wamukoke n'ehit'e kwansi. ²¹ E mwana wamwire: Tita, na kukora bhubhi mo mbingu, na kuriongo nti nakomenwa tu ibhikirwa mwana wabhe. ²² Eina ishe washisha e bhakori bhae: murishe tete ngandju yahunda , mumwambiche yo; muriye rupete mo murimba, na bhirato mo mindi. ²³ Murishe n'e nkambu njy'anone muyeyo turise ni mowa; ²⁴ Bhushwa e mwana 'ni uno abhesenga nt'wamakwa na wamakuruke mo karamo, abhesenga wamarimina na nawamashekana. Nabhabhuchi er'imoa. ²⁵ E mwana mukwakare abhesenga uri e kumashwa warekiya weya kwihi n'enumba, worukira esangoma n'erimina. ²⁶ Wabhikira uma mo bhakori, washisha mbe nt'inkingi chakubhesa. ²⁷ E mukori 'ngo wamw'ire: musik'inu wamakuruka, na bhushwa wamamukumana nti munkangwe, iso wamashura nkambu yanone. ²⁸ Wasibhuka, watina ikime. Ishe wasaa n'imwire wakimi. ²⁹ Eina wasubhiye ishe: sunga, Bhiranga bhingi nikukorengi, nti naribhisha momba wabhe anga na rima; nturinininka anga na chana cha mpene nimowe na bhira bhani. ³⁰ E ntambi yameya musiky'abhe wakiya wamiya, ingu warisanga e bhikai byabhe bhiti hima ne bhihanga, mw'iwe ng'umamushur'enkambu ya none! ³¹ Ishe wamwire; e mwana 'ni, ongo 'rie matu ati hima n'ani, n'e bhiti bhiri n'ani. ³² Rakomenwa tumine n'imoa, bhushwa munakinu uno akosa nt'wamakwa, na wamafukatu, akosa nt'wamarimina na wakushekana.