¹ isiraeri, kiro kw' eriya mu ngoa , mw' omoo, buri e sanganda, Mor' ibesa oongo mmor' osingirwa nguru n' esiya Mukota, mor' ibesa ukushima ohembo rw' emamo mataka ati e buhi! ² Ebutaka n' ekirunga bitarishibo n' ensande iseronja bo bubi. ³ Batakoch' irika mo chuo cha Mukota; Efuraimu wasekuruka ku Misiri, na ku Ashuru baserisa ko biyo bya mikonsi. ⁴ Bataronjei Mukota binsinso bya nsande: watamo iyo byo. E binsinso byabo bisebesayo kuri bo buri biyo bya kiro, Ebati baserisayo mu 'byo basebesayo na mikonsi, Bushwa ebiyo byabo bisebesayo ho by' abo; bitakoch' ikime mo numnba ya Mukota. ⁵ Mukukiayo bunni mor' otu rw' ebeya bati, mor' otu rukiri rwa Mukota? ⁶ Bushwa sunga, b' enda bushwa ibeka er' eshiriwa; ku misiri kusekoke bo. Ku Nofu kusesonde bo masinda; Ebyakonda-konda bikwengi bo, efesa y' abo isebesa biyo bya menke, n' emenke iseshuka mo manumba bo. ⁷ Eyange, e matu er' ihumbwa, eyange, ematu er' ituwa: isiraeri wasesiba cho! E mutahwa mushire n' ebwingi bw' e burenda bwabe n' ebutengu bwabe. ⁸ Efuraimu murangi w' ema kuri Ongo w' ani; E mutahwa, bukira bwa mironge na mosanse sae siti ,murenda kumund' e numba ya Ongo wae. ⁹ Bamebisha nguru, buri mo matu a gibea; Mukota usekwesubukiya n' ebubi bwabo, usehumb' e bubi bw' abo. ¹⁰ Nasheenga Isiraeri buri otabi rwa byuma mo bweru, nasunganga baso buri byuma byaroso bya mutini; Eina b' endere baari-Peori, b' itereka mu kamoi kikai cha nkene, Na baribbunduka mikonsi bburi ekikai ncha chashimanga bo. ¹¹ Ebusime bwa Efuraimu busoka buri muronge: kusira wasebuta, kusira waseria bukure, kusira waseshaa. ¹² Kuti bashucha bana, ns' ehangireyo busondori babesi babume; nNa bonso kuri bo, nsekiya na masia bo! ¹³ Efuraimu wameekwa hahunda bury' ehasunganga 'ni ku Tiro, w' ekwa hakoma nguru; Eina Efuraimu userishaine ebana bae kuri 'ng' useya bo. ¹⁴ Ninka bo, eh Mukota! Ukuninka bo nki? Nninka bo makure ehuka na mabere akama! ¹⁵ E bubi bw' abo buti bwasungirirwa ku Girigari; Inkongi kwayongwirenga 'ni bo. Bushwa n' ebabi bw' emikorere 'abo, nsehensanya bo batuke mo numba 'ni, nta koch' ishima tu bo; ebakwakare b' abo bati batengu. ¹⁶ Efuraimu warikasurwa mo. e miri yae yamakind' ikoma, batakochi tu ebuta byuma; na kuti bari na bana, nseshiriiya ebikai by' ebonso bwabo. ¹⁷ Ongo w' ani userekera bo, bushwa nti barimorukire, na baserikereyo ekiya-kiya munkaty' sanganda.