¹ Riy' e kahanda mo bunu bwabe! E murenda wokange buri nju habasirwa n' enumba ya Mukota, bushwa barinoa endaani y' ani, N'esiya emomba 'ni. ² Bariker' ekuwa kury' ani, tukusi, bate isiraeri! ³ Isiraeri wamareker' e bwakonda ; e murenda usemwemisa. ⁴ Bariker' itereka babake nti mo rwanko rwani, nabakakare na nti nisi; Baronjange tumoi mo fesa hima n' enoro y' abo, ngi chaasingwa barekerwa. ⁵ Mukota waritin' echana ch' abe ch' e mburi, samaria! ebusubuke bw' ani bwasoka kuri b' anu. Basetinayo kw' eshuurura iya runi otu? ⁶ E ch' eya ku Isiraeri, murimo wa mukori, Eina nti Ongo; Ngy' asingwa echana ch' emburi cha ku samaria kisebawa-bawa. ⁷ Bushwa bare 'ka keme, basenoa yo eyhu; Batasheiyo anga kakobya ka buhi; E kiseshuka kita ninkariyo nchano, Na kuti kwamubesange yo, beni ngi bamurisange yo. ⁸ isiraeri wamaminwa! Iye bari munkaty' esanganda enompena buri kibya kisira busi. ⁹ Bushwa barenda ku Ashuru, buri mpunda ya busara irikire kw' esine; Efiraimu warikere ninkana mihakiriro mw' isonda. bira. ¹⁰ Nakiro baronja mihakiriro munkaty' esenganda, Enompena nseya kakumanya bo, na kuruma basenuba mo murio w' e mubake w' ebakakare. ¹¹ efuraimu wamarisiy' ekuti marango mw' ikora bbubi, n' ango marango amamukiriya munkaty' ebubi. ¹² Nakiro na mutiranyie ebihuno biti by' emyomba, basungange yo buri kikai kishasha. ¹³ Mo byakae ebinsinso, banisiburengi byo, nabo b' esine tu nti ngi barisa esenyama: Mukota usira ngoa nabyo. Enompena Mukota wasubukia ebubi bwabo, na usefine e bubi bw' abo: Basekuruke ku misiri. ¹⁴ isiraeri wamobya ewamutunganyanga. warikere eumba. manumba, na Yuda w' enderanange n' eumba mbungu sarangwa; Eina nsetuma kasha mo sambungu s' abo, Nti kashiria muto ema numba akonda-konda.