¹ Mw' iye, tukuruki Mukota! Wakuberaanga, eina waseturamya; Wakuhumbanga, eina wasemina ebihuru. ² Wasetukuruchie 'buingo mu matu abi; er' otu rw' eashatu wasetukukuma, na nti twabesa ho hamakako nae. ³ Tusibirire, tusondekanye iteerera Mukota; Er' ekuruka rae riri ho buri bweyang' emukora, buri mbura mbura y' ekiranga ch' emabura iboborang' er' oto. ⁴ Nsekukore buni e Ephraimu? Nsekukore buni e Yuda? Er' ishuururwa r' abe r' iri buri otundo rwa mukomakoma, buri mame mu kashangi ka keke nty' amakama. ⁵ Ngy' asingwa nahumba bo iyetire 'batahwa, nseshiria bo iyetire ebinwa by' ebunu bwani, n' ese mansa s' ani s' isesakayo buri chaka. ⁶ Bushwa nashima eshuururwa nti binsinso, n' er' isiba Mukota irenga ebinsinso by' er' ishika. ⁷ Bamakind' inoa endani; Nge hhimpo hamansiere bo. ⁸ ku Gireadi obungu rwa babisha , Rurikire mo biteerere bya nshama. ⁹ Er' eima r' ebashebakungu riri buri kakunda, rishirie ngy' ebea mo 'nse ya Shekemu, Bushwa b' ekimiya mw' ikora bubi. ¹⁰ Mo numba ya Isiraeri nakusunga mo bikai byasuma: Hiha Efuraimu wakora osingirwa, Isiraeri w' erisiya mikonsi . ¹¹ Na ongo Yuda, kuri ikao r' itunga nganyiwange, nsekiya nama kind' ekurucha ebaretingirwa mo bea b' ani.