¹ Morukir' ekinwa cha Mukota, e bana ba Isiraeri! Bushe Mukota uri n' obangu na kino chuo, Byshwa kusira tu eira, anga musasira, kusira 'ng' usi Ongo mu kino chuo. Kuri ho isere ra manko, ehura, bwibi na bubsingirani; erianyana, eshura n' ekurura nchama n' eshura. ³ Ngy' asesingwa echuo kino chaabesa mu kiro, na kinsi mweya nguru mu 'cho usenynyomba; Hima n' abo esanyama sa mo busara, emironge ya mo chanya hima n' ebikuro mmo nyansa biseshiria. ⁴ Eina kusira uhahanyange, kusira ufinengi, bush' ebea b' abe bari buri 'mbi baronjange buhaka na bashebakungu. ⁵ Ukweshima mu mwishi , e mutahwa hima n' abe basekwishina mutu na nseshiriya nsoko. ⁶ Ebeya b' anni bariminange bush' eruka esibirrira. Bushwa umarekr' e bwenge, nsekurekera n' ani, n' ukuruka mo kin=bimbi ch' ani, bush' omooby' emyomba ya Ongo w' abe. n' ani nsoobya efana b' abe. ⁷ I' mbu burirange bo, ngi burirange bubi bwabo kuri ani: nsebundur' ebusime bwabo ibesa nkene ⁸ Basukutang' e bubi bw' ebea b' ani, bamoengi e bibi bikorange bo. ⁹ Na r' isebesa ebury' e beya, ngi busebesa n' eshebakungu. Na nsehumba bo iyemisanya n' emikorere y' abo. ¹⁰ basenda barisange nti batangasukuta, basekiya osingirwa ina kusir' ebbuta na, bushwa bamasia Mukota n' emyomba 'e. ¹¹ Er' osuingirwa, e mau n' emau e kibabe, ariminyange bwenge bw' e mweya. ¹² Ebeya b' ani b' enderengi miti kashhishayo, n' e nkama y' abo ngy' ebange n' abo; Bushwa e mutima w' er' osingirwa uriminyange, Na barikere osingirwa kore na Ongo w' abo. ¹³ Basiburange binsinso kubasirw' e sangu, bashikange rungo kubasirw' etukiki, hasikw' e miti mikiri-mikiri inji iri na marungu akoma-koma. Ngy' asingwa ebikumi by' inu byakiy' osingirwa, na basana b' inu babunduke bashuma. ¹⁴ Ntahumbi e bikumi by' inu mor' ekiy' er' osingirwa, na basana b' inu bush' e bushuma. Ebati b' endange kw' eshika hima na basir' ebw' enge bariminanga. ¹⁵ Amabesa m' osingirwa, eh Isiraeri, Yuda kiro waronja ro; Kiro wenda ku Girgari, kiro taya ku Beth-Afani, Na kiro musere, Imbu bburi Ongo ho! ¹⁶ Bushwa Isiraeri wamarikere mekero, Enommpena Nyerekuritu usemurisha mw' okero rwansansabana. ¹⁷ Efuraimu wamarandakana n' etumoi, mumureki! ¹⁸ I 'mbu butareke bo er' iomo, ngi butangareke bo er' osingirwa. Ebakwakare b' abo bashima nkene. ¹⁹ Ekeme chamakind' ebumbe bo na basekwa nkene bushwa n' ebinsinso by' abo.