¹ Isiraeri, kuruke Mukota, Ongo w' abe, bushwa umakind' ehuka mo bubi bw' abe. ² Mw' iye hima n' inu na binwa, na mukuruke kuri Mukota. Mumw' eri: Sasira ebubi buti, Na twangirirw 'shu! Na tusekusibure nti nkambu eina itatwa r' emitutu y' itu. ³ Bisa ku Suriya batakkoch' itoshukaya, tutakoch' itaya mose mbunda, Na tutamukoch' ieye tu n' emurimo. w' emine y' itu. ⁴ Nsetunganyayo ebukongobanya rabo, Nseshee kuribo nchime y' eiro bushwa namakind' ebundure bo ebusubuky' anni. ⁵ Nsebunduke buri iseke kuri Isiraeri, uhitanga buri rusi mu matu a mange. Na useshuka miri buri kuku Rebanone. ⁶ Esantabi s' ae s' isekwinsansa; usebesa n' ehunda buri museituni n' erungo ra ku Rebanoni. ⁷ Baseyayo k' iyama mo kirimirimi chae, useninkayo ebyuma buingo, Nabas' onga yo buri musabibu, basebesaya na nkuru y' ensande ya ku Rebanoni. ⁸ Efuraimu waseebayo: niri na 'nki ch' ikora tu hima n' etumoi? Nsemorukireyo e mahemo, Nsemukae mo nsebesa kuri we buri mukarosho wakonda. e kury' ani ngi kusesheere oongo ebyuma by' abe. ⁹ Ing' ukwengi bwenge wakohanga mo bikai 'mbi! eukwengi bwenge w' erukire byo! Bushe esanse sa Mukota s' atunganana bis' er' eira basendayo kuro, Eina babi basekweshinayo.