¹ Isiraeri wakubesanga nti msabibu ubutang' e byuma byae, nt' ubuta byuma bingi. Ebburuyange we emaranga ae, ngi bbusungange wetumoi. ² E mutima 'bo wabanyiwa: Iye basesungwa nti bari na marango abo, Wasebishabisha etumoi tw' abo. ³ Kuruma baseeba; Tusira mubake, Bushwa nti twakusubaha. N'e mubake, wamukoch' itukore nki? ⁴ B' ebange binwa ya busabusa, mwebe wa manko, bamaronja ndaani: Mo tu er' obansa ruseshuka buri murime mo biribu by' er' ishwa. ⁵ Bisa ku samaria basebunduke na mishiki bushe n' echana ch' e nkambu cha ku Beth Aveni; Ebeya ba 'nd' obungu baserire ekamoi, n' ebashebakungu bako basekakeyo bushwa 'ko, Mo busime bwako, imbu bbutasungur' tu munkati n' abo. kaseriarwa ku Suria, mwibesa ohembo rwa mufake Jarebu, Er' itika-tika risetinge Efuraimu, na isiraeri usebunduke na nkene s' er' ihano r' ae wesine. ⁷ Kuri Samaria mo mubake wae wamahimirwa kore bury' ehuro ha basirwa na mecha. ⁸ Ebuari bw' ekubasirwa bwa bethi Averi, ekwarebishie isiraeri, basebishhiwa- bishiwa; e menke n' erunkeke bisoshuka mo marango abo. Basebayo n' esangu: tubumbi! na mo tukiki: Twenduki! ⁹ Etukire mor' otu rwa gibea urikiya bubi, eh isiraeri! Inko barika basimene, embua n' ebabi nti y' ehie bo ku Gibea. ¹⁰ Nsehumayo bo ebwashima 'ni, na bampe beya basekumananeyo bo, basekiayo baminwa bushwa n' ebubi bwa bo met' abi. ¹¹ efuraimu iwe chana cha nkambu, chashima erisha bisha. Eina nsesheere kwihi n'er' ikoti rae rahunda; nsetarisha Efuraimu, Yuda usehinga, yakobo usemunoaa. ¹² Mweke etukana n' er' eira, munse etukana n' ebonso. Mw' ekukuri ishwa r' ishhosha! ekashangi kameya k' erisondekanya Mukota, iya m' oero wasungwe, na wabunsansi er' eira. ¹³ Nti mukuhinga 'shu, inoa bubi, erisa byuma bya manko, bushwa ukwenyi hirenga esanse s' abe, mo mwanso w' ebarai s' abe. ¹⁵ Sung' echabukurure ku Beteri, bushwa n' ebwingi bw' ebubi bw' inu Mo ntambi s' emukomakoma, emubake wa ku isiraeri waserekerwa kore nguru.