¹ Yambesanga mbuno Melkizedeki emwani wa salemu ntuma wa ôngo iliikwiyie, wakunana na Abrahamu na nti ukutukange kashura embani na wakansane bo. ² Abrahamu wamuninka emihango waloso e uti eketicho chaninkaye mulina la Melkezedeki bushobu elinando ngee mubake we riira namubake wa salemu bushaba iwe mubake wabuhoro. ³ Usila tita, usila ina, usila mbibalimubuta, usila ntangilo na hende we na hasesia mubake matuati ne matuati bili mwana wa ôngo. ⁴ Hipoanikila mbuungu mweya umbulimweya mukili emukungu watu Abrahamu wamuninka mutema wakonda imbi bya kutongaye ekubita. ⁵ Na muriira eluanda lwa warawi banikwa murimo we mbukokore mbabese na momba ye ikumanyanya 1/10 ituko mineye mbeya mulituka mumine ye bana babe Waesiraeri nambo batuka muluanda rwe mukungu Ibrahimu. ⁶ Ina Melkizedeki wabesanga ntimuluanda lwa Balawi watenge ebusamba bya loso, wamukasane naye walikanga ni irai. ⁷ Hipo twabatinisha emweya mukeke naya wakukasane mwea. ⁸ Hipo emweyangu wanikwe ebimbo sambo bye eluma iwe ukumi wasekwa utulima, ina mukipe kiywa kima ungu wakwangirira eluma rwa ukumi kuri Abrahamu wasetulwayo umbu ulima kalamo. ⁹ Namutambicho ye mwebele, Lawi ungu wangiriranga eluma le likumi, na bumbo watuwa e luma mwelikumi kuri Ibrahimu . ¹⁰ Busha Lawi wabesanga watuka mumagoti a Ibrahimu na mutambi Melkizedeki, wakumanana na Abrahamu. ¹¹ Kuba elisisnywa lakochekana iyetele etwanywa( ebukungu wa Lawi ) na bumbo ekwanzi naye ebeya baangilila emyombo kwabesanga na mulao uni suma nguru kwe kuhani eumpe unguwataya ngulu kuluma na kilanga cha Melkizedekina kuluma ne mwanikili wa Aluni? ¹² Nabumbo ebukungu we kanisa wama bunduko, kusila tu momba nayo wabunduka. ¹³ Kuli uma ungu ebinywabi byeberwanga busha eluanda lupe lunda lebelwanga ituka laye kwatabesitu umpe mwea ungu wakolonga tu emullimo ienga we mazabahu. ¹⁴ nangebembo emukoto watukile mukihu cha Yuda, lwando Musa watiko lo itukana na bakungu be makanisa. ¹⁵ Nambi byebelwanga mubutala iila buusha umpe makungu wa kanisa wagesaoyo mburi Melkizedeki. ¹⁶ Emukungu mushasha nti u;a mumbi makungu babushanga unzi sisuzane ne mbuta ye maa ye buingo ingi ata koshi imbiha. ¹⁷ Isho matilo yamatulilwa kuleye ôngop nge mukungu wematiati na matiati ilenga esantambi za Melkizedeki. ¹⁸ Busho elusanza ndu lwatangiranga balilo kumushi bushabu asenga lwatetela na ntiyarengekanatu. ¹⁹ Nabumbo emiomba yatakiikayi, ebasanga kuli mwanikili ya koma, nambo singea kuri ôngo. ²⁰ Ne myanikiri ino yakomo yakokoshi ye saa hasila nzererwa na mbumbo bampe bakungu be kanisa ntibalisele. ²¹ Ina ôngo asele wemba busho na yesu, Ongo asele na watachi wabundula ewengewae Ongo nge mukungu we matuati ne matuati. ²² Busho na bumbo Yesu wea tu kichio chedani ya koma. ²³ Muriira, elikwa nti hangile ebakungu be kanisa ikola emulimo wa ôngo ematuati ne ematuati, na bumbo kwa besanga bakungu be kanisa uma buli umpe. ²⁴ Ina Yesu uliko ématuati, ubukungu waye watakashi ubundula. ²⁵ Bushabu iwe wamubese mulongu na muilikilisha na elilwanya embi bikensea kuri ôngo iyeetele kuye, busho iwe walika shushu ni ihemelembo. ²⁶ Na bumbo emukungu wakomenywa kukwitu, usila mbibi, usila mucho, washululuka, walikwituko kuribise ezazambi, na wabasa ekweye naye uli mumbingu. ²⁷ Na iwe twabesangabna milao, buri ebakungu bakakale, ikuto ebisambo kila ontu, itangila kuri ebibi byambo bisine. ²⁸ Mubyombo bangasinywa emebeya batetela ibense ebakungu bye makanisa, ebense kakungu bakakale, ina ekinwa che lisele ishi cheyanga kuluma ne mo myomba, ishi ya shimikanga emubake ungu walonganga mulongu ematuati ne matuati.