¹ E nashimane ebunachambo ambereranga. ² Museni ishea emashimane kuri bendendi: mwisha muzee cho bape bana koke e bamalaika titimbasi. ³ Kukandire mbi baminwa kumba mumaminwa ima nambo: nambo bi banumbange, mwisha na banunge bumbo mukantine mumbi. ⁴ Doa isumbanwa ne mbeya bibanti ne daro yatambesi ne mikosi: mwisha ôngo waseherayo ebasi ngirani nambi basingiranange. ⁵ Na bumbo esansee sinuse maisha simbese shushu mukatine mashi mane e bene: mumbese mbii bato sheka nambi birikire ninu: mwisha iwe kisine waremba: takumbusierere kiro, amba iku siya anga ne kakeke. ⁶ Amba twamarirana iyemba: nukota iwe nge musaada wami: takusumbaha: embeya basenikiere ngii. ⁷ Mukandire ebahani binu imbi babuhange banu ekinwa cha ôngo: ne mikairire hende emikorere yambo, mutuche e mwinyihiro wambo. ⁸ Yesu kristo uri buri, mumuyoro, unotu na hende chuo. ⁹ Anga itingurwa ne mahamo mingi e kira mutindo, ne wendendi: mwisha rakonda e mutima usimanywe shushu mumukisa, amba ti mu biyo, bumbo imbo imbo mbi bendanga nabyo, tibare she ne kikai. ¹⁰ Turi ne bwaemberwange ekinwa cha ôngo, nambi bakorerenge mukati ne hema ( kakuku) basira ye ririsa ebikai byao mwembe. ¹¹ Mwisha e mimbi yesa ( nyama) bituana byo nge chamasabyo nge sirishwonge ipi akoma nguru ( Patakatifu) ne mukungu mukiri mwisha ne bimbi, ishikwange abutara ne kambi ( Kitanda). ¹² Mwisha bumbo Yesu bumbo bumbo wakenumba murikimirire rumbi. Mwisha washurure e mbeya bae mu chama yae wisine. ¹³ Nambubo tendi kurie musairiro ye kasari, ti tamatingirira esakenesae. ¹⁴ Mwisha ano tusira erumbungundu rwemisiya, Arakini tusonda nge du rwaseyayo. ¹⁵ Nabumbo munsee yae tunike ôngo bisambo bye rimutanta matuianti, nge chuma che mitutu ichi itwange rinarae. ¹⁶ Arakini angaisera ikorerana shuu ne rikumanena ne mbeya, mwisha ebisambo buri bii bya kokomwa ôngo. ¹⁷ Musimire mbi babahanange banu ne rikwihicha: mwisha imbo bakairirenge mwisha ne mitima yinu, buri mbeya mbi basekitoyo e waso, ishee ironja mbuu mu bukokome, amba ti mukisibu: mwisha bumbo itakochi ibusake. ¹⁸ Mutuhemere bante, mwisha twamasimira kumba twiya turi na mwanikiri ya koma, tusasire ibunduka ne rwendo rwakoma mukanti ne binwa bibinti. ¹⁹ Nani nibushishange nguru tu mukie buno, nikuruchwe kuti nu tete nguru. ²⁰ Nabumbo, ôngo wa karamo, warerisha tuituka mu sida mukota witu Yesu ungu murangi mukakare we bibore mu choma ye dani ye matu anti. ²¹ Waburenye banu ibese bakami lifu mukanti na kira murimo wakoma, mukoche ironja imbu busasireye, na iwe wamakiyao kumena kumuda ninu kinwa ichi chamena kuriye, murietere kuri yesu kristo: e kiraya kibese kurie emati ne matu amina. ²² Arakini nibukongange banu bana kitu, murukirire kinwa cherihano mwisha namabutirire banu mu binwa bikeke. ²³ Musimbe bu munakitu timoteo amakida iomborwa: ima nae nasebusunga banu, kumba waseya tete. ²⁴ Mukereye bibanti bii babu sodorenge banu, ne batakatifu bibanti, banakitu bakuitari babukerea banu. ²⁵ Emukisa ima ninu banti.