¹ ôngo, wabenga karikari na batita bituu itukana ne basheirwa itukana na nafasi niingi na'insi siingi, ² He'endi ematù ano weba niitu itukana ne mwaana, uungu wamubikanga buri mwâandu mubibiti, na tuu kuri ùungu wakiangâa echuo. ³ Iwe-nge nguba ye buhime n'upeyi bwe'ebuingo bwae, wariya ne biiti mu myomba ye kaara kae, wamakiaishurura ensambi, warika mu mo'ombo wekwa bùume uungu we bukakare ekwiyo; ⁴ Wakiherwa moongo iteyana maraika, itukara neriina ranina ranikwae rwe'ekiraya irenga raboo. ⁵ Bwisha washishanga maraika abesonga urikuni mumatùu hiati, oongo-nge mwaana nii, nama kubuta ? na kuba ani nakubese kuriwee tita, na iwe waabunduke kukwaani buri mwaana? ⁶ Warisha tùu entangi yae ya roso mushuo, weba na bamutate maraika bibati ba mumbingu kuri ôngo. ⁷ Namumyasi ye ba maraika, webaa , wabindure eba maraika bae ma pepo ( bashungu ), ne'ensa ntumwa sae ubundura-boo mansense ye ka sha. ⁸ Rakini emya ye'mwâane, weba, kitumbi chabe chee bubake, ôngo, cha he'ende na he'ende; ne nkoma yabe ye bubake nti nkoma iingi iri na kaara. ⁹ Umeeka hiira, uyokwa inenwa ; bùumbo ôngo, ôngo wake, wamakutira mafuta, mafuta iitata iteyana bâambe. ¹⁰ Na oongo mukota, itukire kare-kare unianga nguba muùchio, ne mbingu mikoreriye mine ya bée; ¹¹ Ebiiti bya seeta, rakini oongo iibese ho-hoo; ne bibii-mbi bise kurakura buri changi, ¹² Na kuba changi sekwikunya; na'ato sise bundurwa; rakini ngi uungo uungo, ne myaka yabe itasiriyoo. ¹³ Ngi bamaraika biimbi babesaka ba shishwange matu hiate, warika mumine yani ye kwa buume muri rindire nibike ebarenda babe kwansi ne'ebisando byabe? ¹⁴ Ebibaati-mbi basira mutima wikora, batumwa kuri esantumwa sa ôngo biimbi basinikwa hiyo emwaandu wiishurukaraii?