2 Wakorinto chunda cha mwenda(9)
1
Mwisha ne binwa bye rikorere e batakatifu, ntinaraa imbukorere banu.
2
Mwisha nisi e wenge winu urimpo incho nitatirenge yo mwisha ninu kuri bine ku Makedonia. Imbu akaya wakesa urimpo ituka mwaka wa mubimba, ne muho winu wasmo mitima ye beya bingi munkati nabo.
3
Arakini namarembeka munakitu ne kitata kwitu, mwisha ninu mu kinwa kino cha tambi busa, irengeka nambu usembanga ani mubunduke ntimurimpo.
4
Na kuti kumba bampe ba ku Makedonia, bameya hima nani, ni imbukumana banu na nti murimpo, na baate twasesunga nkene munkati nambu wamwinyihire baate.
5
Nambu wakesa rarengekana ani ihana munakitu batangire iya kasa kuri baate. Na imbika raroso e bisambo mbi byatikurwanga karere ishe ibunduke kwihi, nabumbo ibese buri bisambo, hamba yatabunduki buri kikai cha uhembo, arakini chatabunduki buri kikai chininkwa na maa.
6
Na bumbo nebange e kinwa kino, ungu uwekange mu mubwinini nangu wetange mwisha nerisakena wasekaoyo e risakena.
7
Kira mweya wakie mbu buhakangee kumunda ne mutima wae, ntimuboonso, arakini ntimurisasa: Mwisha ôngo washimangu uninakanange ne sa ngoa.
8
Na ôngo wamukocha irumisha mukisa uti kuri banu, arakini banu mu mamba mwikocha mu kira mushinga mu matu iati, mushe irengechwa nguru mukanti ne mirimo iiti inchi ya koma.
9
Kumba mbu watirwanga byo, wamaserekanya, wamaninka e basene, eriyiira rae rarika e matu ati.
V 10 Nangu ngi waninka wisine ungu wekange e bwima ne kambosa kambese biyo, wasebundi ni rumisha e bwima binu mbi bye kerwa, na iwe waserumisha e bwima bye iyiira rinu.
11
Musie mbese batumba mu bikai bibiti, mwishe imbese baninkani mu bibiti, ungu utatange ôngo mu mirimo yitu.
12
Mwisha mukori we murimo uno watakukinda e mirao ye batakatifu ho, arakini bumbo bumbo warumishwa muriininkana nchimi singi kuri ôngo.
13
Mwisha kuti muhendwa mu mikorere inchi batatange ôngo mwisha ne butumba winu munkati ne ritura e mwasi wakonda wa Kirisito, na mwisha ne ka na rinu umbu raku imisha imbo ne beya mbi baati.
14
Nabo bisine bumbo bumbo, muri buhemere, banyee busha yinu mwisha ne mukisa wa ôngo ungu warumira nguru kumunda ninu.
15
Ôngo watatwe mwisha ne bisambo byae imbi bya tamukocha itatirwa kumunda mbu byatamukierwa mbo.