¹ Tuna, bana kitu, nabusumbukia tu e mwasi ye mukisa wa ôngo ungu wani kwanga e makanisa a ku Makedonia. ² Na mwisha munkati ne mayaribu makiri ye minumbo, wingi wa ngoa yabo, ne bumashikini wabo, wakutarishi bo butumba werininkana nambo. ³ Mwisha nitatange mbu e mikorere ya sungwa nti yarengekana ne kaara kabo ne rarenja ne kaara kabo umbu wakesa usasire ⁴ Batukongi baate ikiya nguru tushe ikumanena ne mukisa ngu tukorere batakatifu. ⁵ Na warekora mbu nti winyihire ka baate, arakini e raroso biriya bisine, na ininka mukota, na baate bumbo bumbo mu mashimane a ôngo. ⁶ Na bumbo ni hana Tito, na mwisha kumba watanjangae bumbo wakindanye kumunda ninu e mukisa hungu bumbo bumbo. ⁷ Na bumbo kumba murenge ncho mu binwa bibiti, mu risimira, muriemba, mu mihaki, mu muho uti, na mu mashimane inu kuri baate, na bumbo musimanywe munkati ne mukisa uno bumbo bumbo. ⁸ Ntinemba buno buri mwamba(amri), arakini mu muho we bwya baampe, ihendo reiyiira mu mashimane inu. ⁹ Mwisha banu mosi e mukisa wa mukota witu Yesu Kirisito, mu bumbo wabesanga mutumba, arakini mwisha ninu wabunduke musene, na bumbo banu mubunduke batumba mwisha na iwe. ¹⁰ Nani munkati ne kinwa nchi, na kito erihano rani; Mwisha ne kinwa nchi chakamane banu mbi ntangiranga itukire mwake uma, ntirikia ho, arakini ntimurishima ho. ¹¹ Na itukire inompina tusimire erikora kurie. Na kumba kuti mukubesanga murimpo mwishima, bumbo mumbe impo bumbo bumbo muririndire ntimuri ne kaara kinu. ¹² Mwisha kumba e mwanikiri ya rengeka bumbo bumbo ya simirwa mu rirengekana ne behe mweya uri na byo, na nti buri barengana nambi bisira nae. ¹³ Mwisha ntinemba e kinwa mbu bampe baruhuke, ibi banumba (barikerwa). ¹⁴ Arakini bikai mbi biti birengekane, munkati ne matu ano, bima binu isakirwa mu mirao yambo, na aba bingi imbo isakirwa mu mirao yabo, na e binwa bibiti bya rengekane. ¹⁵ Kumba mbu watirirwanga byo: Iwe ngi wakumanyenyanga bingi tuwerekocha; Nangu wakumanyenyanga bikeke wabesanga tuusira murao. ¹⁶ Araakini, ôngo watatwe ungu warianga e muho ungo ungo mwisha nitu kumunda ne mutima wa Tita. ¹⁷ Mwisha muriyiira urikira yo e mahano itu, ina iwe wabunduke na muho, wenda kuri banu murisasa raye kesine. ¹⁸ Na ima nampo twamurembeka munachabo ungo usibirwe munkati ne mwasi wakonda kumunda ne makanisa iati. ¹⁹ Na ntibumbo ho, arakini wakurondorwa ne makanisa wakumanane nabo ima muriturana e kinwa karamo(mukisa) inchi nchi korerenge baate che bukakare wa nere kuritu(mukota), na ishea e mwanikiri yitu inchi yarengana. ²⁰ Twamakito kinwa kino mu bwisha e mweya watatuheri(itusunga bhubhi) munkati ne busambo mbi bikorerenge baate. ²¹ Mwisha baate tutangirange ianikira e binwa mbi bya koma, nti mumakako ya mukota ho, arakini hotu mu makako ne beya. ²² Na baate tamarembeka munakitu uma wamisanye nabo, ungu wabesanga wendanga meta mingi na tumusunganga nti uri ne muho munkati ne binwa mbi bibiti , arakini muntambi ino usungwa nti uri na muho nguru mwisha e mwinyihiro wae mukiri uri kuri banu. ²³ Kumba mweya usondange isimba e mwasi wa Tita, ungo nti munakitu, na mukori wa murimo hima nani, mwisha na banu; Arakini wamakocha isimba e mwasi wa banakitu, imbo ngi e santumwa se makanisa, ne wame wa Kirisito. ²⁴ Na bumbo mushee bo e sa ndumbi se makanisa, munkati ne mashimane inu nerikwitata kwinu mwisha ninu.