1
Na bumbo ama mba turi ne ndani isi, e banakitu tuishurure mu minkosi yitu yiti ye mumbi ne ye mutima, twa mukorere mu bukirisito witu munkati ne risumbaha wa ôngo.
2
Mutuninke baate ndikaro mu mitima ninu, ntitakukorere mweya bumbi, ntitakubisha mwisha mweya, na ntitakutima mweya.
3
Ntinembange e kinwa kino mwisha ne mwisha ne ribushisha bumbi.
4
Niri na bukokome wingi kuri banu, nitatange nguru miwsha ninu, niri na mashima rngi, narenja nikokoma nguru munkati ne minumbo yitu iti.
5
Mwisha muntambi inchi eyanga baate ku Makedonia, e mimbi yitu ntiyakushe ne ririhuka ntiya kuruhushwa,simbi tanumbanga muharo sisiti, e kubutara binta bwakesa biriko, kumunda bomba.
6
Simbi ôngo wisine iumbo beyanga mbi bani ne boonso, watukokome murirembera baate ku Tiro.
7
Naamba nti muriya rae ho, na kumba eribubwa bubwa ndi ra kierwanga ye ituka kuri banu, iya tuninka baate e busha yinu, e buro binu, e muho winu mwinani na bumbo na bunduke na bukokome wingi.
8
Na mwisha kumba na busibushanga banu mu marumba ingi abusibushanga banu, kumba nti muntambi nkeke ho.
9
Na bumbo nashima, nti mwisha musibushwanga na bumbo musibuka na mureke(aba mutunganya) mwisha musibushwanga mu makako a ôngo, mwisha mutashi kikumba mwisha nitu, munkati ne binwa bibiti.
10
Mwisha ne kisimbu nchi cha kesa cha meya makako na ôngo cha kiya musasiro, cha risha karamo(ishukara) risira boonso; Arakini e boonso we chuo burishange ikwa.
11
Na mwisha, sunga, e kinwa nchi, mwisha ne boonso mumakako a ôngo, yakukia nkii kumunda nitu, bimbo ne kishea bisine mu riira, ne risika rinu, bumbo, ne bomba buri, bumbo, ne busha ini, bumbo, ne wano buni, bumbo, ne kwikwanire! Munkati ne binwa bibiti mwisunga imbese nti mukonda mnkati ne kinwa ncho.
12
Na kuwa kuti na kumbutirire , na ntinakubutirire mwisha nae ungu wakukia e bimbi amba nti mwisha nae ngu wakurukirwa, arakini nti mwisha ne muho winu mwisha ninu isumbwe mumakako na ôngo.
13
Mwisha bumbo twakukumbi ibiwa; Na munkati ne ribo bewa ritu twakushima nguru kabisa mwisha ne ngoa ya Tita, mwisha ne mutima wae wakukokoma mwisha na banu bibati.
14
Mwisha kumba na mitata kuriye munkati ne kinwa kikiti, mwisha na banu, ntinakukwa nkene: Arakini kumba twembayo ninu e binwa bye riira, bumbo e kwitata kwitu mumakako a Tita abesangayo yira.
15
Nae wamarenja imbushima banu mu mutima wae, wamasumbukia isimira rinu banu bibati imbu wamukokenga iwe mu boomba ne ritikimana.
16
Nakokoma mwisha niri ne mwinyihiro, mwisha ninu munkati ne binwa bibiti.