1
Na baate twa makora murimo hima naye, twabukonga banu twatarindiri karamo ka ôngo mbusa.
2
Mwisha wemba mbu: E matu ngi asimiranga oongo nakurukira.
3
Twatambi tu bisiki kuri bampe, mukira kinwa kikiti, e mikorere itu yatatikwi ntikwi tu.
4
Na munkati ne binwa kira kinwa, twatitati mbu baate ntumwa sa ôngo, mumuho mwingi, munkati ne munumba, munkati mirao, munkati ne wahe,
5
Munkati ne bihumbo, munkati ne miyororo, munkati ne kamungo mungo, munakti ne riranga, na munkati ne rifunda irisa,
6
Munkati ne i, munkati ne wenge, munkati ne rivumiriya, munkati ne rikiriena shushu na munkati ne mutima mushasha, munkati ne mashimane, kwatabesi itimana.
7
Munkati ne kinwa cheriyiira, munkati ne macha a ôngo mu ngumbo se riyiira na mu mamboko a kwa bume na mu mombo wa kurembe.
8
Mu maa ne riseirwa, murieberwa manko ne ritatirwa, buri bashukishuki, arakini baate beya bwe riyiira.
9
Kumba imbo ntitasibirwe, baate tusibirwe nguru. Kumba mbi bakwange, nasunga, baate tushere, buri mbi barindikirwa, arakini ntibakutushura.
10
Buri mbi bari ne boonso, hima matiati twakokoma, buri twakimbi, arakini twanokesha bingi, buri basira kikai ina turi ne bikai bibiti.
11
E munu itu arindirwe kuri banu, ee bakorinto ee mitima yitu ya makokoma.
12
Ntimurikererwa kumunda nitu, arakini mwimina banu kesine mumutima yinu.
13
Na bumbo mutuwe irengekana nambu waninkwanga banu e mitima inu yabesenga mikiri bumbo bumbo.
14
Mukiiyo nama ima nambi ntibasimira, umbu buri byo ntibakoma mwisha utakoche ikiya bwira kasi aribuni burakasi munkati ne riyiira nebubi? aba ishimana rini munkati e chaka ne kindi?
15
Na Kirisito urina buni bwira ima na Beriari? aba iwe wasimira uri na muhango uri ima na iwengu ntiwasimira?
16
Na e numba ya ôngo iri na wira buni ima ne kirimirimi? mwisha banu numba(hekaru) ya ôngo ngu we karamo, narika kumunda nabo, na nasenda nesumbange nambo, nani nasebese ôngo wabo, na ibo basebeseyo beya bani.
17
Mwisha ne kinwa kincho, mutuke munkati nambo, mwikito kuri bo, mukota wemba, wereke itinge kikai nchi nticharengekana, nani nasebuangirirayo(aba ubukoke banu).
18
Nasebeseyo iso winu, na banu musebeseyo bana bana, na bikumi, mukota wisine wemba.