¹ Pauron ntumwa ya Yesu Kirisito mu rishima ra ôngo, na Timoteo munakitu, mu numba ya ôngo tindiriri munkati kukorinto, ima na batakatifu bibati imbi babesenga munkati chuo kikiti cha ku Akaya. ² Emukisa umbese kuri banu na buhoro ituka kuri ôngo tita witu na mukota witu Yesu Kirisito. ³ Ukasanirwe ôngo na tita witu mukota Yesu Kirisito, na tita we risasi, na ôngo we bibiti bye rituhareresa. ⁴ Mumbi bya mutubimbirisha baate munkati ne minumbo yitu yiiti, nange bubo tukoche iririsha imbi bari munkati ne minumbo yiiti, mubonso mbu uturirishange baate bisine hima na ôngo. ⁵ Na kumba e minumbo ya Kirisito kumba ya tunumbya baate, na buumbo eriruhuchwa ritu rasesengewa munsee ya Kirisito. ⁶ Na kumba kuti baate turi munkati ne minumbo, nti mwisha ne boonso winu ne risimira rinu, nge rironja murimo wae, murimbemberere e minumbo umbu bushenge baate yo, na kumba tubimbishwange ni mwisha e ribembera ritu ne risimira ritu. ⁷ Na e mwinyihiro witu kuri banu nge maa, ntama simba mbu kumbo banu burinka mukitecho vhe minumbo, nambubo banu ibima bye ribumba bubana. ⁸ Mwishe ntitashima banu banakiti, musimbe e mwasi ye minumbo itu, inchi ya kumanenanga nitu uko ku Asia, mwisha twaritoherwanga nguru irenga ne maa itu, na twa tusha ne wenge weribese ho(ao irika). ⁹ Nabuumbo(ayee) baate bisine twabesanga ntititure ne nkohake rikwa kumunda nitu, twatisungi baate bisine na bumbo twisenke kuri ôngo ufurange e ba kwi. ¹⁰ Ungu wakutukuto baate ituka mu sinda yerikwa na bumbo, wasefurwa baate, na baate twamamusimira mwisha wasetufura, baate tu. ¹¹ Na banu bumbo bumbo mumasake na nitu mwisha na baate munkati ne mahemo e beya bingi, ne beya bingi bibati bakokome mwisha nitu. ¹² Mwisha ne kuitata kwinu kukuno ho, ne mikorere ya koma ye wenge winu, yemba mbu isira bumbi, na murikoma rwe mituma mumakako a ôngo, nti kwa wenge wa mumbi, ina nti murisasa ra ôngo, twa kwenta munkati ne chuo, na kukinu kasa. ¹³ Mwisha ntitutirange mitiro mwisha banu, arakini incho isomange banu ne riterera, ani nisi mbu musesimba hoyo kwende ¹⁴ Nambu mbutusi baate bwisha na bumbo baate ne rikwitata kwinu rarengekana burindi rinu na susena nti banu muri kokitu, mumatu a mukota Yesu. ¹⁵ Na munkati ne risimira ndi nakesa nisondange isimba kukinu raroso, na muchee mukisa we meta abi. ¹⁶ Ne rieta kukinu, na ikime ku Makedonia, na ituka tu kumakedonia na iya tu kukinu, na itindikirwa tu ninu munkati ne nsee ya ku Yudea. ¹⁷ Nabumbo abesanga nisasire e binwa mbio, nakiya byo ntibibundukanange? aba e binwa byo ntibebange mubyo, nisungange byo mususanya e mumbi, na mu binwa byani bibese yiira, aye, na kuti nti bumbo bya tabesi? ¹⁸ Mwisha kumba ôngo ngu we riira,(we bishisha) kinwa chitu, kuri banu ntii aye na ntiira ho. ¹⁹ Mwisha mwana wa ôngo, Yesu Kirisito ungu ewberwangwa nitu munkati ninu, na bumbo nani na Sirvano na Timoteo babesanga ntiti bario na ntitibo, arakini na kurie nti iira. ²⁰ Na mwisha ne ndaani sisiti sa ôngo na kumunda nae nti iira: Na kurie nti Amina. ²¹ Na buumbo iwe ngu utusimanishange baate hima ninu kumunda na Kirisito, ne ritutira mawese, ti ôngo, ²² Na iwe wakuturia baate mu buhuru, (iruhuchwa) na ituninka chaka (maa) a mutima munkati chuma cha mutima chitu. ²³ Na buumbo ni bikirange ôngo wambese mushuhuda kumunda ne mutima wani, na buumbo muribusasira banu ntamenda tu ku Korinto. ²⁴ Na ntiashimbya twamburikere murisimira rinu: Arakini baate tumbusakenge murikokoma rinu. Misha banu musimana mu riira(isimira).