¹ Petero ntumwa ya yesu kirisitu, kuri barondarwa biimbi babesanga bendendi ba saswanga munkanti na ponto, Garatia, kapadokia, Asia na ku Betania, ² Buri bùumbu ôngo tita watangiranga ibisuba baanu munkati neri shururuka remutima, muri kwihicha na murikururwa echumo ya yesu kirisito: echumo ne karamo si rumichwe kwinu. ³ Ukasanirwe ôngo, Tita wa mukota wiitu Yesu kirisito, ùungu watubutanga tùu murisasi rae riingi iri tushee munyihiro uungu uri ne mukisa murifuka rae Yesu kirisito ituka mubiimbi bafuka. ⁴ Tushee kirayainki kitakochi ibihabiha, ùungu usira mikonsi wara ùungu nti wapunguka, ùungu bobubinga mbamba mumbingu. ⁵ Na baanu muchungwa na kaara ka ôngo munse Yerisimira hata mupate (musheye) karamo kiingi kara tayari ifumuriwa mu ntambi ya heende. ⁶ Kuunda nae mwakokoma nguru, ya rabese muntambi nkeke, kama kuba rasima muhuzunika mu mayaribu ya namna mbarimbari. ⁷ Iri iyaribiwa nerisimira rimu, iingi iri na damani nkiri irenga noro ya bihabiha kuba ya yabiwâa na kasha, isugwa ni itatwa ne bwine nerishimwa murifuka ra Yesu kirisito. ⁸ Na uungu watanga sungwe mumushima, munkati nawe na kiro mutunga musunga, na kuba musimira, mushima nguru, musengowa sitakochi iebwa, iwe irisa bwine. ⁹ Mumako hende emunyihiro winu, ekaramo kebwengo bwinu. ¹⁰ Munkati, byasi ye karamonki ebeya mbi bahururuka basonga niirondora, ibôo batabirianga mwisha ne chumo iingi yaseiyere baanu. ¹¹ Basondanga nti inye ntabi emutima wa kirisito iri kumunda nabo murisheya mumatiru washuhudianda kubusondori eminubo hiingi yoseshee iyo kirosito, ne bwine bùumbu bwasemutucha. ¹² Bashewa kuba nti mwisha nabo bisiine rakikini mwisha na baanumbi mukoranga kukwinu mu binwaambi, biimbi bya hubiriwanga baanu nyasi ya karamo mu mutima washururukara watumwanga ituka mumbingu, binwaambi engashani bashima ikaye. ¹³ Mu kiichi, mumamina mangati ya mianikiri iinu, mubisi biimbi bari na kiasi ( ietankumba), muminyihira utimirifu chumo iingi baseburishie munkati neru, ifunuriwa kuri Yesu kirisito. ¹⁴ Buri baanambi bihicha kiro mususane ne karawa kinu karoso, ke buyarara bwinu. ¹⁵ Rakini kuba ùungu wabubikiranga nti washururuka, baanu buumbi buumbi mubesi beya bashururukara munkati nense sinu baanu bibati. ¹⁶ Mwisha byaandikwa: mubesi beya bashururuka, mwisha naani nashururuka. ¹⁷ Na kuba mumabikira tita, iwengi uri na uhero kuri kira mweya na usira upendereo, buumbu buri emurimo wae, muendereye ibese na bôoba munkati nentambi sinu siirika hano buri bendendi. ¹⁸ Mumasiba mbu mukomborewa, nti mubikambi bya bihabiha, nti mumehe (mpoyi) ao nti mu n'oro, mushii ituka munse sinuunsi nti sarengekana siinsi mupokerenga kuri ba tita binu. ¹⁹ Rakini muchama ya damini, buri ya kiboro kisira buneke wara arama (upei) chama ya kirisito. ²⁰ Na iwe wamasimbwa hiira kubusondori niibikwa buri nkuso ye shimo, rakini wamasugwa heende yentambi mwisha niinu. ²¹ Na baanu itukana nnense yae musimira ôngo uungu wamufukanga ituka ebakwi niimuninka bwine, na isimira rinu na munyihiro winu ubesi kuri ôngo. ²² Mumakindi ishururisha ebwingo bwinu muri kwihicha muriira, hata iere mu mashimane yeriira ra ôngo, mushimane muriira mumutima washururukara. ²³ Mwisha mumabutwatuu, nti mubyumba-mbi nti bya bihabira, rakini mu biimbi nti bya biha mukinwa cha ôngo kiinkikiri ne karamo mupaka hende. ²⁴ Mwisha emibi hiiti iriburi bisu, ne bwine bwato bubuti buri maua ya bisu, bisu bya kama, ne maua yae yakire. ²⁵ Rakini ekinwa cha mukota kwadumu kira ôotiu. Ne kinwaanki ngi kwa hiinda kya hubiriwanga baanu.