¹ Kuhika lusiku lutazi luyinga Mariamu Magdalena anagenda yi shinda sheshezi kwali kiri kizizi anabona iwe lya lyosiwa kwi shinda. ² Ana genda duba anahika imwa Simoni Petro nimwa uye gundimwi giriza Yesu alisimire anababwira mbu balyosa nahamwetu mwi shinda,tuta niji hahe bamu bika. ³ Petro nulya gundi mwigiriziwa bana tondera kugenda yi shinda. ⁴ Bana genda duba bombi nulya gendi mwigiziwa ana shangamwa ana siga Petro anatangihika kwi shinda. ⁵ Ani nama anali ngulila anabona bitambala bisanda bigwere, ti ataki ngira. ⁶ Perto Simoni amu shimbire aningira aningiramwi shinda analola bitambara biligwejere. ⁷ Niyo leso yali kitwe lyage,itali gwejere kuguma ni bitambara ti bibuzirwe buzirwe handi habutambi. ⁸ Lilyo niye gundi mwigiziwa naye wali tazirihika anabona ana nimera. ⁹ Kulya batali shazi manya nzarango ko kume nene afuke. ¹⁰ Balya bigiziwa bani gendera ya manyumba gabo. ¹¹ Ti Mariamu alikwimazire hasili shinda agalira alikelira aga ninama alingulira mwinda li shinda. ¹² Ana bona balemberezi babiri bembete mironda meeru babudetere muguma luhande lwitwe nu gundi ya magulu aliya bali bisire moyo gwa Yesu. ¹³ Nabo banamubwira maye uga lilira biki?ana babwira kulya balyosa nahamwetu ndaniji hoba mubika. ¹⁴ Lyokusa kudeta kuko anakebegana inyuma anabona Yesu imazire atana manya ko Yesu. ¹⁵ Yesu ana mubwira mbu maye uuga lilira biki?unga loza nyande?naye anasilira mbu uwake langa niyo ndalo ana mubwira nawetu iriwe wamwanga umbwire howamu bika nani nga mwanga ho. ¹⁶ Yesu ana mubwira Mariamu naye ana kebegana ana mubwira muki Ebrania raboniko(kudeta mwigiriza wani). ¹⁷ Yesu ana mubwira utangwate kondiji gendi imwadata ti ugende imwa bene wani ubabwire naterama nagendi imwa Data naye ye ishe wenu imwa Mungu wani naye ye Mungu wenu. ¹⁸ Mariamu Magdalene anagenda anabalirabigiziwa mwaziko nabona nawetu niko amubwira yibyo. ¹⁹ Kwa naba kabi gingwekayulo lusiku butazi lwi yinga,ho bigiliziwa bali nii luzi lwigere kulya balike ko boha Bayahudi ,Yesu anija animanga mukati lyabo ana babwira mutula gube imwenu. ²⁰ Lyo aka babwira kuko anagolola maboko gage na mahaha gage,bigiziwa ba naba namagene lyo bakabona nawetu. ²¹ Yesu ana babwira kandi mutula gube imwenu,ka Data ali ndumire nani n mutuma mwe. ²² Naye lyo akadeta anabafuhira anababwira mwangirire mutima mweru. ²³ Naboshi mwalyo keza mabi galyoka nabo mwashwikera mabi gashwekwa. ²⁴ Ti muguma wa bigiziwa atali ubuziwe Tomaso ubuziwe wihasha,lyo Yesu ali bahulukira. ²⁵ Bandi bigiziwa bana mubwira mbu twabona nawetu anababwira mbu ndabwini nziggo mwama boko gage zilya Misumari nuku bika mundwe gwani halya hwa gulya Musumari nukubika kuboko kwani mwamera kiri hisu. ²⁶ Munyuma lisiku munane bigiziwa bali kandi mwinda kandi,na Tomaso kuguma na libo Yesu anija ni nyuzi zigerwe ani manga mukati lyabo anadeta mutula gube imwenu. ²⁷ Anabwira Tomaso deta hanogani udete nukuboko kwabe ukubike mwa mahaha gani utabe utemeziri,tiwemezire. ²⁸ Tomaso anakula anamubira nahamwetu na Mungu wani. ²⁹ Yesu ana mubwira kulya wa mbona wemera balini namabona wemera balini namabake kwemera i byo batabwini ³⁰ Muli bindi bisomeza bingi byo Yesu akagira imbere lya bigiziwa bage ibitaka sarangwa mwalino ibugu. ³¹ Ti bino bika sarangwa ilyo mwi mera ko Yesu ye Kristo mugala Mungu nukukwe mera mule nakalamo kwizina lyage.