¹ Lyo akusa kudeta yibyo Yesu analyoka nabigiziwa bage bana genda kajabu ndalo ana mwingira na bigiziwa bage. ² Na Yuda uye wali muguza alikwiji yaho kulya Yesu alike hagendo nyingi kuguma na bigiziwa bage. ³ Lyo ynde alimali kwanga lukuli lwabasiri kani na baganda bali lyoka ya bakulu baba gingi na Bafarisayo banagenda iyo namatara nutumole ni silibo. ⁴ Yesu alimanyire ibya mushanga ana bahulukira anaba bwira alande mugwetemwaloza. ⁵ Bana mwakula mbu Yesu wi Nazareti,Yesu ana babwira ye nyehe na Yuda wali muguza ali kwimazire nalibo lyo aka babwira ko yenyehe bana shubiri inyuma. ⁶ Lilyo aka babwira ko yenyehe bana shubiri anyuma hirima hashi. ⁷ Kandi ana babuza kandi mugalozo nande?banadeta wi Nazareti. ⁸ Yesu ana bakula ti mitra namubwira ko nye yuno kuko muga ndoza muleke bano bigendere. ⁹ Lyo kiko leka kilya kinwa akadeta mbu balya ukambeza nakalera kiri muguma wabo. ¹⁰ Simoni Petro aligwete mupanga anagule ngeza ana gubanda muganda wa mugingi mukulu ana mutenga kutwiri kuluhanda lululyo nuye muja izina lyage ye wali Marko. ¹¹ Yesu ana bwira Petro galula mupanga gwabe mu luhaho lwage ka kikombe Data ambere ndakinwere? ¹² Lilyo balya basiri kani nuye jemedari na balya bakozi ba Bayahudi bawata Yesu bana mushweka. ¹³ Bana mwutwala imwa Amosi butazi kulya ali shezala wa kayafa uwali mugingi mukulu mwayugo mwaka. ¹⁴ Naye kuyafa yukaha Bayahudi luhango mbu kumene mundu muguma afe hanyanya lya bandu. ¹⁵ Bana shimba Yesu Petro nu gundi mwigiriza nuye mwigiriza alimanyirwe na mugingi mkulu aningira na Yesu muhandu hukuluhukiro ka mugingi mukulu. ¹⁶ Ti Petro ani manga hambuga kuluso ulya mwigiziwa gundi wali manyirwe na mugingi mukulu ana huluka adetana walike langa luzi ana deta Petro mwinda. ¹⁷ Uye mukazi walike langa luzi anabwira Petro kautali mwigiziwa wuno mundu?naye anakula mbu atali nye. ¹⁸ Na balya baja na bakozi bali kwimazire bakaluka muliro gwa makala kulya kwali bishazi bi mbeho balike kaluka muliro. ¹⁹ Ye mugingi mukulu anabuza Yesu miazi ya bigiziwa bage ni miazi ya migirizo gage. ²⁰ Yesu ana mwakula mbu ngadeta nikihugo gerere mwisima gongi nu mwishengero he Bayahudi boshi balike shanganana. ²¹ Kituma ugwete uga mbuza nyeyuno?ubuze abalike nyuva biki nga babwira biji byo nalike deta. ²² Lyo akadeta yuko mukazi muguma wali kwi mazire ana banda Yesu luhi anadeta wakula mugingi mukulu kuko? ²³ Yesu ana mwakula iri nahubi deta hanaga busubura bwa yoba bubi ti iri na deta kwija biki wanjulikira? ²⁴ Anasima anamutwala ashwesirwe imwa Kayafa mugingi mukulu. ²⁵ Na Simoni Petro ali kwi mazire iyo alike kaluka muliro bana mubwira kanabe utali mwigiziwa wage?naye analahira naye anadeta mbuatali nye. ²⁶ Muja muguma wa mugingi mukulu naye alimu kirongo kyulya ukatwiwa kutwiri na Petro anadeta ngakubona yi ndalo na lie? ²⁷ Lilyo Petro analahira kandi lilyo luhazi lwana bika. ²⁸ Bananga Yesu bana mulyosa imwa Kayafa kihiki Praitorio kwali kola shishezi ti bonene bataka mwingira yumo mu Proitoirio bangija ba nubushasha ti balye i Pasaka. ²⁹ Lelyo Pilato ana bahulukira imbuga anadeta ala bikimusitasire uno mundu? ³⁰ Bana mwakula mbu atakibage mukazi wa mabi tutanga mu diti imwabe. ³¹ Pilato ana babwira muangage uno mumutwire lubaja mwenene kwi iyo migako yenu!Bayahudi bana mwakula twihe tuta gweti ruhusa lukwita mundu. ³² Lyo kilya kinwa kya Yesu alideta kweresa lufu luki agafa Petoiria kukudeta nyumba ya liwali. ³³ Pilato ani ngira kandi mwinda Petoria anabuza Yesu ana mubwira kawe mwamiwa Bayahudi? ³⁴ Yesu ana mwakula wudesire kubugumana bwabe iri bandu bo baku balira miazi yani? ³⁵ Pilato anakula ema!kandi Muyahudi mulala gwabe nabakulu babagingi babakude imwani ala biki wagira? ³⁶ Yesu anakula bwami bwani butali bwa kino kihugo nga bwami bwani bukibage bwaha kihugo nga baganda bani bangijiri ndwira ndiji bikwa mwa maboko ga Bayahudi ti bwami bwani butali bwahona. ³⁷ Pilato ana mubwira kawi mwani?Yesu anakula wukudesire kulya ndi mwami ngamaba twa hanyanya lya bino na hanyanya lya bino ngija hakihugo lyo nihanira ukuli busubura nayeshi uli nukuli ake kuva izu lyani. ³⁸ Pilato ana mubwira ukuli byo biki?likadeta yikyo kinwa ana huluka munda bali Bayahudi kandi ana babwira nyehe nda bwini buhubi boshi kuuno. ³⁹ Ti mwenu iba mwanya gwa kumushwe kulira mundu muguma bishazi bi Pasaka kute musimire nimushwe kulire mwami wa Bayahudi? ⁴⁰ Kuko bana banda kalula kudeta atali uno ti Barnaba nuyo Barnaba ali munyazi.