1
Butazi hali kinwa,nakyo kinwa ali imwa Mungu ye kinwa ali Mungu.
2
Uno butazi ,ali haguma nya Mungu.
3
Bindu byoshi bika koleka: imwage nabuzira ye ndakyo ikindu koleka.
4
Mwinda lyage mwali kalamu nako kalamu kyo kyali kyenge kya bandu.
5
Nakyo kyenge kika lomesa mwi kizizu,nikizizi kita kuhima.
6
Kukija mundu ukatumwa ima Mungu alibuziwe ye Yoana.
7
Uno akija kwiji gira busubura,ajigira busubura byi kyenge,mbu lyobandu boshi bemera,imu uno.
8
Uno atali ye kyenge tiakija mbuabe subura wakino kyenge.
9
Kyali kyenge kyukuli,kyalike lomekeza ulya yeshi ukija mukibaja.
10
Akija mukibaja nikibaja kika girwa nalie tikibaja kitaka mumanya.
11
Akiji mwage ti bali bage bataka mwangirira.
12
Ti boshi abaka mwangirira lyage.
13
Abaka butwa atali ku muko kandi iri kukusima kwa magala kandi iri kusima ku mundu,ti i mwa Mungu.
14
Ye kinwa aka hinduka magula anota i mwetu netu twa na nabona bulangashane bwage bwage bulangashane nga bwa mwana wi kita uga lyoka imwa data uga ijwire lukogo nukuli.
15
Yohana akahana busubura anatera mugoje mbu uno yengabala mwazi gwage ti uli munyuma lyani ye wali imbere nyani kulya yukatangi bali.
16
Kulya kuku kwira kwage tweshi tukangirira lukogo,hanyanya lyu lukogo.
17
Kulya migako ikatangwa kuku boko kwa Musa,lukogo nu ukuli ti kuja kuku boko kwa Yesu Kristo.
18
Indae mundu ukabona Mungu bishazi byoshi,ti Mungu mwana wikita yeaka byikula.
19
Nabuno bobusubura bwa Yohana,Bayahudi lyo bakatuma imwage gagingi na Balawi bali lyoka i Yerusalemu lyo bamuze,ala wende?
20
Naye anadeta,ataka lahira anadeta mbu atali nye Kristo.
21
Bana mubuza,wendage?kawe Eliya?analahira mbu atali nyehe,kahe mulagu ulya,anakula mbu nanga.
22
Bana mubwiraga,alawe ulinde?tugendi bwira abatutuma kute,kute u bwine hanya lyubugumana bwabe?
23
Anadeta,nyehe nilizu lyu mundu uwakelira mwi nderegenye,mugo kunge njira ya nawetu! ngako Isaya.
24
Nayabo bali tumirwe bali lyoka yaba Farisayo.
25
Banya mubuza nuku mubwira kutage ugwe ugavubika,iri ataliwe Kristo,kandi iri Eliya iri ulya mulangu?
26
Yohana abakula anadeta nye ngwete nga muvubika mwameji,ti mukati lyenu mwimazire ye mutama nyiri.
27
Ye wijire inyuma lya ini yendu meneni kushwekula mugozi gwi kirato gyage.
28
Yibyo bikaba iyo munda i Betania Yordani munda Yohana alike uubika.
29
Lwakabiri lwage anabona Yesu ijili mwage,anadeta mulole mwana buzi wa Mungu ukaheka mabi gi kihugo!
30
Uno ye ngabala miazi yage mbu hijire mundu munyuma lyani uwali imbere lyani,kulya ali nalanaba.
31
Nyehe ndali mwiji,ti lyo a Israeli kyo kyatuma ngija ngaja ngavubika mwa meji.
32
Kandi Yohana anahana busubura anadeta ngabona mutima agashonoka kunguba,nyaye anota hanyanya lyage.
33
Nani ndaka mumanya,ti akanduma kuvubika mwameji yuka mbwira kazi yu gabona mutima agashonoka hanyanya lyage uye yukeshuka kumutima mweru.
34
Nama ni nabwine na kandi ni subura uno ali mwana wa Mungu.
35
Kandi lwakabiri Yohana ali kwimazire na babiri babigiriza bage.
36
Ana bona Yesu anadeta lolekeza mwanabuzi wa Mungu.
37
Balya bigiziwa banuua aga deta bana shimba Yesu.
38
Yesu ana kebegana,ana bona bamushimbire anababuza muugaloza biki?bana mubwira mwigiriza,hahe wake bera?
39
Ana babwira mwija menu mwabona,banagenda bana bona wake bera banaberi imwage yulo lusiku.
40
Andrea mwene wabo Petro Simoni ali mwa yabo abakuva Yohana nukushimba Yesu.
41
Huye anatangi bona Simoni,mwene wabo yenene anamubwira mbu twabona Kristo.
42
Ana mutwala imwa Yesu, Yesu ana mulolekeza anadeta mbu we Simoni mugala Yohana ti ugabuziwa we Kefa bulundu bulo ye Petro iri kandi iwe.
43
Lwakabiri anagira mbua gendi i Galilaya naye anabona Filipo Yesu anamwibwira ujimbe.
44
Ye Filipo ali mundu wi Betisaida ali mwikalano mukaya ka Andrea na Petro na Filipo ali mundu wibite saida mwikalanwa wa Petro na Adrea.
45
Filipo anabona Natanaeli anamubwira mbu twabona uwa lisalazirwe na Musa mwimigako na balagu Yesu mwana wa Yosefu mundu wi Nazareti.
46
Natanaeli ana mubwira ka i Nazareti yanga lyoka kandu kija?Filipo ana mubwira mbu ijaga ubone.
47
Lilyo Yesu ana bona Natanaeli ijire imwage anadeta mwazi gwage lola mwi Israeli wukuli kuli,mwinda lyage mutali kashembo.
48
Natanaeli ana mubwira ala kute wa manya? Yesu ana mushuza ana mwubwira Filipo ataji kubuza luyushuba ifo lya kati nakubona.
49
Natanaeli ana mwakula mwalemu uli mwana wa Mungu we mwami wa Israeli.
50
Yesu ana mwakula anadeta kuko nakubwira mbu nakubona wifo lya kati mira wani mera?wakibo binene kuhima bino.
51
Ana mubwira wimere wi mere,ni mwubwizire,mwakibo nguba zigusire nabalembezi ba Mungu bagasho nokera mugala Adamu.