¹ Lyotu kakulu lwa twana manyako yikyo kijimbi kibuziwe metita. ² Bayaho bana tukolela ibita gwete meneni kulya bakasa mulira bana twegereza tweshi hanyanya li nvula ikanya,na hanyanya limbeho. ³ Paulo anagushikanya mizigo ni shali nukubika kumuliro,njoka yanija kwa yugo muliro yani bunga bunga kukuboka. ⁴ Bayaho bana bona iyonjoka i gwete i galaluka laluka kuku boko,banawilana,bibonesireko uno mundu ali mwitani kili angaba akakululwa mwinyaja ukuli kutamulisiri kulama. ⁵ Ti yehe akamushagaziza mumuliro buzila kumugila kandu koshi. ⁶ Banamulolekeza wenene nukusalirako agahema nukuhilima hashi kilunda kwi liguma ti libakalindila wenene nukubonako ndako kubi kwamu gwata,bana sola nzaliro zabo nukudetako uno ali Mungu. ⁷ Hali hasi lyayaho ndalo zumukulu wi nyaji izina lyage Publio uno mundu aka twereza ngabila anatugira bageni bage kwisikuzi shatu. ⁸ Anaba ishe Publio ali gwete bulwazi bwa na mushuma nukushwaga muko Paulo aningila imwage nukuhuna anabika maboko gage hanyanya lyage ana mukiza. ⁹ Ili bino bika koleka bandi bali balwazi mwinyaja banija bana kiziwa. ¹⁰ Nabobanatuhezi tunda lingi nili tuka lyoka bana tu ishwekela byotwali lozize. ¹¹ Hanyuma li mwezi shatu twanaba lama nu bwato bwi Alesanduria mbeho na kama nyiso kage kali ihasha bashosi. ¹² Twanahi i siraguse twa nagibelo sikuzi shatu. ¹³ Nukulyoka iyo munda tukasoka twana hika i Regio na hanyuma lyu lusiku luguma mbusi yi ndija yanazu kwamo nulusiku lwa ka bili twana hika Poteoli. ¹⁴ Yaho tuka shangabene wetu bana tuhoha kubelanalibo sikuzi linda nakukuno twano hika i Roma. ¹⁵ Nukulyoka iyo munda benewetu bishazi bakuva myazi yetu banija nu kutushanga mwi soko yi Apio ninyumbazi shatu zabageni ili Paulo akababona anigana Mungu nukushagaluka. ¹⁶ Nili tuka hika i Roma mulazi anbika bashwekwa boshi mwama boko gumukuluwa balazi ti Paulo akahewa lu huma abele hamwage yenene kuguma nu mushangalume uwalike mulanga. ¹⁷ Anaba hanyuma lisiku zishatu anabuza bakulu baba Yuda bashanganane ili bakagila kinwa mwabandu betu kili mwi migako yaba data,ti nga bikwa mwa mabokoga ba Roma nishwesirwe mupaka i Yerusalemu. ¹⁸ Nabo ili baka mbuza bana sima bajwe kule,kulya nda kyo kinwa kyali hanyanya lyani i lyalikumenene nife. ¹⁹ Ti liba Yuda bakatwa hanyanya lya luno luhango,ngakanyiriziwa kuhuna Kaisari kuviliza kinwa kyani tya talilimbu nali gwete mwazigu kushongelelakilo ngo kyani. ²⁰ Ti hanyanya lya kuno na mubuza mwiji ndola nukudeta na nyehe kulya nishwe sirwe kwa guno mugozi,hanyanya li mbikilizi ya Baisraeli. ²¹ Bana muwila twehe tutaka bona nzarango hanyanya lyabe Bayuda nda naye mwene wetu uka hika hano kutu balila mwazi ili kudeta mwazimubi hanyanya lyabe. ²² Ti tusimile tuve zabe kulya hanyanya lyalino dini handu hoshi. ²³ Ili bakamwengelekezeza siku bana muhikila i mwage bandu bingi wenene,anigiliza nukubala bwa bashungula hanyanya lya Yesu hanyanyi li mwazi gwa Musa na balagu kulyoka sheshezi mupaka kabigingwe. ²⁴ Bandi bakemela kwibinwa i bikadetwa bandi batakemela. ²⁵ Ili bakaba batuvenwi muklati kabo banigendela Paulo ali mali deta kinwa kiguma ko mutima mweru guka deta kwija na badata kwakanwa kumulagu Isaya. ²⁶ Anadeta genda mwayabo bandu uba wila kuva muguva ti mutaga manya nukubona muga bona ti mutaga hasha kumanya kandu. ²⁷ Kulya mitima ya bano bandu i kayerena ma twili ga bogakayire kuva,nama sugabo gazi bwirwe bali kibo na kwa masugaba,nukuva kwa ma twiri gabo,nukumanya kwi mitima yabo nukusoka kandi nana bakiza. ²⁸ Ti bimanyikani i mwenuko buno bukule bwa Mungu,bwa twalwa mwa bana bilongo na bobaguva. ²⁹ Ili akusa kudeta Bayuda banige ndela bana buzanya bingi mukati kabo. ³⁰ Paulo akabela myaka ibili migumana mwinyumba yage moali pazile nukugi lyula,anegeleza bandu boshi bali kwi jire imwage. ³¹ Akigiliza mwazi gu bwami bwa Mungu,nukwigiliza bandu mwazi gwa nahamwetu Yesu Kristo ku bundwali boshi ndanaye mundu uka muha kanira.