¹ Agripo ana wila Paulo wahagula kudeta bino binwa Paulo ana lengeza kuboko kwage anadeta. ² Bwine mutima gwani ku bani na nua Eemwami Agripa kulya ngibala imwabezene,mwayibyo binwa byoshi nga shongelelwa na Bayahudi. ³ Kulya wehe umangile wenene migako na mabuzo goshi bagwete Bayahudi hanyanya lya yuko nakuhuna unyu vilize kuku botelela. ⁴ Kulya Bayahudi boshi biji kalamu kani tangu buta bana ibyali butondelo mukati kikilongo kyani iyo mundua i Yerusalemu . ⁵ Ibali nyiji kulyokela butazi ngabalisimire kwi bala kona Mafarisayo kukushimba bichiri bya mashengero getu yonga shigisha wenene. ⁶ Nakukuno nimazile hano nili buziwe hanyanya limbikilizi yi kilagane badata betu baka hewa na Mungu. ⁷ Zomulalayetu ikumi nibili ilindilile kuhikila nukwi kumba Mungu ku mwete bushigi nu mushi na nina nya liyo mbikilizi e Mufalume. ⁸ Katuma mwehe muli ninzaliro ko kutemelako Mungu atake fulabafu. ⁹ Biti kuli nyenene ngabona mu mutima gwani,izina lya Yesu Munazareti. ¹⁰ Nani ngakola yibyo i Yerusalemu ngashwekabingi mwabemezi na mali hangulwa nabakulu baba shangalumenamali nigangemela. ¹¹ Na wenene mumashengero ngabalibuza nuku bembeleza kudaka nanafabutenga mundu wabazimu nuku balibuza kili namutwayatwa bageni. ¹² Mwiyo mikolwa nali kegenda i Damaski nali hagulilwe nuku hewa budwali nabakulu baba shangalume. ¹³ Ee mwami bishazi bya kabi gigwanana bona kubiwambulu ndatu lwenge kulyoka kunguba luta lusile lwengelu mwezi lwani shulika mbande zoshi nali nabatwali tweshi. ¹⁴ Nili tukagwa tweshi nanuvaizu ligwete tiga deta na nyehe mwindeto yiki Ebrania Sauli-Sauli katuma wandi buza?ili misii mwabe kuli bata mushomwa mwa magulu. ¹⁵ Nani nana deta wenande nahamwetu? naye anajuza nye Yesu ugwete ugalibuza. ¹⁶ Ti byuka wimange kwa magulu gabe kulya nakuhulukila kulinga kuno ngugile mukazi mubazi wabino ukabona nibyo nga kwelesa. ¹⁷ Ngakukulula kulyoka mukilongo kyabe na banabilongo imwabo nga kutuma. ¹⁸ Ubashwekule masugabo balyoke mwikizizi bingile mulwenge bya lyoke mu misi ya muzimu nukuhikila Mungu bahashe ku kongwa mabigabo mwime kuguma nabakashukwa mwimbikilizi i mwani. ¹⁹ Hanyanya lya yuko Ee Mwami Agripa ndaka tenguha byongelesi wa kunguba. ²⁰ Ti ngatangite kwi giliza bandubi Damaski ni Yerusalemu nikibaja kyoshi ki Yudeya nabana bilongo bilege nu kuhinduka munda Mungu bakole mikolwaishushile kwi lega kwabo. ²¹ Hanyanya lya yuko ba Yuda baka gwata mwishengero banalozi nyita. ²² Hanyuma lya Mungu kundabala,ni mazile mupaka zenengwitengibala mwa bana,naba kulu ti ndadesire kinwa ti yibyo bika detwa na balagu Musa bigija. ²³ Kudetako byumenene Kristo kuli buziwa nayeye wa kwanza ku fuka kulyoka ka mwa bafu,nukwigiliza mwazi gu lwenge mwa bandu bage na mwabana bilongo. ²⁴ Ili alike kwi bala kulingakuna Festo ani manga nizu li hamu Paulo usilihile,bwenge bwingi bwakusileya? ²⁵ Paulo anadeta nda silehili Ee Festo mundu witunda ti ndesile bina byukuli na(ya wakili) ²⁶ Kulya mwami amanyile bino binwa nangi manga imbele lyage buzila kyoba kulya ni manyile wenene ko ndakyo kinwa mwabino binwa i biga bishwa naye kulya guno mwazi gutaka lwa habutambi. ²⁷ Mwami Agripa wemezili bagagu?nijiko ubemezile. ²⁸ Agripa anawila Paulo umanyile ku ndebeleza kuba mwemezi. ²⁹ Paulo anadeta ngwetenga huna Mungu akaba kubinini ili ku bingi atali wenene naha ti na bano ba gwete baga nyuviliza zene babe nga nyehe tubuzila kuno kushwekwa. ³⁰ Mwami ani manga nu bimangile na Beniki nayabo bali bu detele boshi. ³¹ Bana lyoka nukwigamba ino mundu nda bobubi a ubemumenene kufa ili kushwekwa. ³² Agripa anawila Festo uno mundu anga shwekwilwe nga tanga buzize Kaisaria.