¹ Kya kutimire, na kwaguno mu kalwa, tu kahewa mbanga, tutaki jagambiri kandi. ² Ti mira twalahira bindu bi shoni ibigwete biga kolwa kwi mbisho, kandiri kushambiya binwa bya Mungu nu bushumi, Tiku kugoko meza bindu byu kuli twiyeresize kuba byu kuri,;ugererezo ya bandu zigatubala imbere lya Mungu. ³ Nakandi inyazi mija yotugwete tugeresa ilyangaba ibishamire, ibishamire naho mwa buteresire. ⁴ Lyo mwinda lyabo Mungu wa kino kihugo agwete agahunya mi gererezo yubo balya batemzire, lyo bata lomesiwe nu lwenge lui migirizo gu bulangashane bwa Kristo uli ni shusho yage Mungu. ⁵ Kulya tu tagweti tu giyi giriza twenene , ti Kristo Yesu mu kuba nahano, netu twenene kuba bakozi benu hanyanya lya Yesu. ⁶ Kwa kulya Mungu ukadeta ko lwenge lugalomesa kizizi, yu ka lomesa mwi mitima yetu atuheze lwenge lu bwenge bu bulanga shane bwa Mungu mukati ka malanga ga Yesu Kristo. ⁷ Ti koke tugwete ino mbiko(kitiri) mwi bindu bidaho. lyo iyo misi mingi yu buhashe ibe ya Mungu ty'atali kulya k'imwetu. ⁸ Mbande zoshi tuliduba, Ti tutatwisisi nyota. ⁹ Twalibuzwa, Ti batatulisiri twakabulirwa hashi, Ti tutagalisiri. ¹⁰ Kira lusiku tuhesire lufulwa Yesu, lyo lwibalusa mwa magala getu kalamu ka Yesu. ¹¹ Kulya twe tuliho, kisa lusiko twaketangwa kufa hanya nya lya Yesu, lyo kalamu ka Yesu kibalusa mwinda lya magala getu aga Hesire lufu. ¹² Ka kuko yaho lufu lugwete lugakola mu kolwa mwinda lyetu, ti kalamu mwinda lyetu. ¹³ Kwa kulya tugwete yugo mutima gui mbikirize, kyona kituma ugadeta , netu geke twanemere, kyo kitumire tugwete tugadeta. ¹⁴ Tu manyire ko uly'ukafula nahano, Yesu agatufula netu haguma na Yesu, tuga shushana twesh' nahuje. ¹⁵ Kulya bindu byoshi bili hanyanya lyenu, lyo yulo lukogo iri bwangeshulwa wenene, kwa balya bah'bingi muko ngongwa yushulwa na Mungu iganwe. ¹⁶ Kwayuko tutalembiri, ti kilyangaba shusho yetu yi mugongo ya shaja, ti shusho yetu yu mwinda iri mbyaha lusiku ku lusiku. ¹⁷ Kulya malibuze getu mangu, gali gi hyakishazi hinini naho,igwet'igatuletera bula ugashane bwi miakula ubuhi mire kuba bwingi bwenene. ¹⁸ Tutalore ibigwete bigabona, ti ibi tabone keni kulya ibibonekene biri bi kishazi kinini, ti ibitabone keni bili bi myakula.