¹ Ngatwa lubaji nyenene ndaga luk'imwenu mwi ngongo. ² Kulya gabaganganya , inde u wangaki njagalusa, kulya ye nya gangonya? ³ Nyabasarangira ki byo kilyo kinwa, ano nyija lyo ndago gomwe nye baliya nyumenene nzimise ⁴ Kulya mukati lya malibu ni kuluguta ku mutima nyabasarangira nyi mirenge mingi, ti hatari mbulyo mugongomwa, ti lyo mumanye uhisime bwingi ngwete hanyanya lyenu. ⁵ Tirihali mundu wagirama bute, atamwisa bute nyenene naho, ti mu luhande luguma (ndiji nyemera lulenga lugera) abagongonya mweshi. ⁶ Bihumire munda uli nguye yuto , tushushu akahewa nya abali bingi. ⁷ Kiri geke ukutali nga yuko, kumenene bumukoge nyu kunu hareza, mund'ulize nguye atiji nirwa mui ngongo lyage ilitalusire ligero. ⁸ Ko kuko nyabinginga musimane. ⁹ Kulya nyasaranga hanyanya lya yuko geke, lyo nyuvwa ho mushambira ko muli bandu buko vwa mu bindu byoshi. Kulya nyasaranga hanyanya lya yuko geke, lyo nyuvwa ho mushambira ko muli bandu bukuvwa mu bindu byoshi . ¹⁰ Ti nga mwanga koga mundu kinwa kyoshi, nani nyukoga mundu kinwa kyoshi,nyamukogo hanyanya lyenu imbere lya Kristo. ¹¹ Muzimu atiji tuhima ,tutagoshire kwikengo nyi nzaliro zage. ¹² Ko kuko lyo ngahik'i Troa hanyanya li murozi mwija gwe Mukristo, nyamigulilwa luzi mukati lya nawetu. ¹³ Ndakobona mutula mu mutima gwani , kulya ndabona Titomwene wetu ,ti twasengurukana nyaliba,nyinilyoka kugendi Makedonia. ¹⁴ Ti Mungu iganwe , uwake tuha kuhima kuhima mwinda lya Kristo, nyu kweresa kibaya kyu kumumanya hoshi mu mukolwa gwetu, ¹⁵ Kulya twe tuli mavutagu kubaya bwija imbere lya Kristo,imbere lya Mungu, mukati lya yabo abagwete bagakululwa , nyu mu kati lya yabo aba gwete bagatereka. ¹⁶ Mwa yabo ba kabiri kibaya kyu lufu kyu kudeta lufu, mwa yabo batizi, kibaya kya kalamu kyu kudata kalamu ye nyandage u wumenene kwa yibyo? ¹⁷ Kulya twe tutali nga bo bali bingi,abakibyaramwazi gwa Mungu kulya nga kwalu ku bweru bu mutima ugukyere,nga gulyosiri mbele za Mungu ,tudesire mukati lya Kristo.