¹ Yeso akatshu tsha leko,Akoto tsha lowodjawawo. Koambeki wandewakooye. ² Wenya wakakoke sabato,atatefundisha lo sinagogi . Efula keeto kekawooke , wakaambe ko wakatevate: lende ambotoya ane akambo? would wakona watshundu yakandakondja,ndo woho wakona wasalande ahindo same omalaanya wande? ³ Aha osedi bao, ona Madiya koshe yakobo, la Yoshuwa,la Yuda ndo simona?, ndoamangelende waadimato keema lateyi waso? ndo aki leewo lewo woohoo wa vo ko. ⁴ Koko Yeso akawatee: ombutshi koko emo lowodja wande Lee washeende ndo lolodu lawo. ⁵ Kootshe dihindo otoyi laanotshi nakaaha kitshiya akoshi waki lahemo anya ndo mbaka langanya. ⁶ Ndo akashangala, otema lonuu waato.Yeso akeeteta longelo yosukanyi le teetsha. ⁷ Laso akelee wako dikumi la ahende , ndo akame batoma ahende laahende ,ko mbasha woohoo ladiko da wenji. ⁸ Ko ndembasha didjango da ahamemba yango lolokendo, ahakeema okandu,hamonga lookate , loofuko,la falanga lookawa; ⁹ Elato,ndo aha ndota ahondo ahende. ¹⁰ Konde mbatee lookina ate: vudu yo nyooto, kanyo tshikale Polo loonyomo lofazi keko. ¹¹ Ndo naka fashi kemotshi ato hawonyo longodi, ko hawo nyooki ,nyo yanya oma leko, ndo kanyo nyi nginya kete yooma leekolo wanyu dakene mbakimanyiya oko djembetelo. ¹² Wakatshu, ndo wakasambisha da ndjanya. ¹³ Waka tshanya wenji efula, ndo efula ke wane waki lahemo wakaa hoke eso, ndo waka kono. ¹⁴ Owandji Herode laakandoke wateketa da Yeso, da lokombolande lambotsholokumu, ko nde akate: Joani ombotshani kamboolo le wane wakavu dako da tsheende ahindo. ¹⁵ Amoshi vate: Eliya, ndo akina vate ombutshi oko omotshi weembutshi. ¹⁶ Koko, Herode kaaka ndoke okoso, akate: shi Joani kakama yake nde kamboolo. ¹⁷ Lama ele Herode ndame kakandjisha Joani ndo akawodje lookodi loote wa Herodias wade Philipo, lotoande dikambo da Joani akootshukee . ¹⁸ Ndo Joani mbotee ate: Hakokama we ndjala la wadi leeki lotwaye. ¹⁹ Herodias aki lalokandjema la Joani ndo akalange mbodatsha. ²⁰ Ko nde koo koka, Lama ele Herode akookaka Joane wooma, aka weeyaka okopami kemete ndo kooshika ,akookongeka ,ndo omala mbolongalonga, aki letenakeko loohokohoko, ndo mbooka longenongeno. ²¹ Neda ,loshi loolololakaye ,lamaki Herode ,loloshi lande lamboto,nde akashaoleelo leenondo dande,le epalanga wa soda ndo akohani wa logalileya. ²² Ona loodimoto la Herodias akooto loodihe , akano lokombe ndo akangenya ngenya Herode ndo ato wande .Owandji mbutee onodimoto : ombutee Kene kelangaye,ndo lako ko Sha. ²³ Akawosha lolapelo:Kene koyonomba ,lakokosha to,eeki eteni ka dolelo dami. ²⁴ Atatombe,akatee nyango: alombami na? ndo nyangende mbokaloya, ote wa Joane ombotshani. ²⁵ Aka ayaaya le nde kaloya le owandji ndo, ko mbolomba : Lemi nangaka da mbishami kaakiyeane lo sahani ,ote wa Joani ombotshani . ²⁶ Owandji aki lookiyi, kokolote wa olapelo wande ndo ato wande, nde koonanga mbosekee. ²⁷ Nde Toma kaawo,olami wande la Dikimo da mbelaa ote wa Joane ombotshani. ²⁸ Alami wakatshu toyaka Joane, lookodi ndo mbelaa ote losahani, ko nde mbisha onoodimoto ,ndo onoodimoto mbisha nyangende. ²⁹ Ambeki wa Joane wakeni keko: wayosa demba dande ko mbidja lo doombo. ³⁰ Atomami, wakahomana le tondo ke Yeso, da mbotee tshee keka watshee, la tsheee keka wafundisha. ³¹ Yeso akawatee: nyoye lomamu wooswee Kele nyoyomuya yema; vo wekiko ane watshokaka efula ko kaloyaka, ndo komonga letena kevonde. ³² Wakatshu leteyeewato, da tsho otsha lomamu washenga. ³³ Ato efula wakaweni atatshu ko waka weeye, ndo ngelo tsheee wakalawo leekolo ndo mbeta le tondokende dja loosomba wakawa ta tshokaka. ³⁴ Kaakandatombe malowaato,Yeso akeeni oloyi waato,ko mundama lakangi kewo,loote wekiko oko ekoko wana loolami;ndo akayakitsha da mbalakanya Akambo efula. ³⁵ Oko wakeete wonya, ambeki wande wakasukana leende .Ko wakate: dihole ne deko shenga, ndo Wenya wambeeha. ³⁶ Kaloyawo, Kele watshu le podi la lo tongelongelo to sukani da toya sombee dango dande. ³⁷ Yeso aka kadimula: nyo washa dango davo nde, koko Waka wotee: takotsho letosomba ekate:la Akuta kamahyende, ko tako washa davo nde? ³⁸ Ko nde aka watee: ekate engana wenyu laa? nyotende. wakayashikike ko wakakadimula: etanu la see hyende. ³⁹ Ko akawasha didjango da vo tshee kita leeloyi leelenge washiwadjeshi, ⁴⁰ Ko wakakite leenongo wa lokama kana waakumi atanu. ⁴¹ Akooshi ekate wako, la see yako hyende ko, akeeda washo tsha loolongo,ko nde nomba she. Ko, akaatshatsha ekate,ko nde mbisha Ambeki,kele wa hake looloyi. Akahake lokina see yako hyende lee ato tshee. ⁴² Vo tshee wa kale ndo wakalote. 43 Ndo wakelaa Asaka dikumi laahende weekate la see kakatshikala.44 Wane wakale ekate waki midiyo tshanu yaato. ⁴⁵ Kaa omalaako, akatee ambeki wande da vombudee lowaato da mbeta lodeka dikina, tondo kende lo deka dikina suke losomba womotshi we tawo Betesahida, da menda ndamee Kaka watshanya loloyi. ⁴⁶ Kakanda watshanya ,kovotsho ladiko wakidima,da tolomba. ⁴⁷ Dikolo dakaye, ato waakiko lomamu wookedi,ndo Yeso ekiko ndamee lokete. ⁴⁸ Akeeni da wekiko la Paa efula leduka,da poodle lakawenya Paa. Otshalotsho watshoongelo keneyi, kondetsho tshalewo, atakende ladiko daashi wawake, akalange mbalekane. ⁴⁹ Etena kekawaweni atakende ladiko daashi wawake, wakawaaana vate kana okishi ,kovo mbawana. ⁵⁰ Wenya wekawaweni vo tshee, wakakashimo. Kako Yeso akawatee ndo mbashikike:nyeye nyate lemi, tanyokake wooma. ⁵¹ Ko nde akadee tsha leewo,ndo lo pepe lakahembo .Ndo wakaambee efula ndo tshikala landaando. ⁵² Ne da vo komboka ahindo weekate, lote weetema wawo woolo. ⁵³ Malande teho ndjale,akatshu longelo ke Genezareta. kowakakomi. Etena kekawatombe ma lowaato, ⁵⁴ Ato, kokesaa, wakeeye Yeso. ⁵⁵ Wakatshimbe emamu tshee, ndo wakakite dambelaa asee hemo lo tanda ,dekatshee daka weyaka deetshinde. ⁵⁶ Lo fazi miotshi yakandakomi lotongelongelo, longelo ya wake kana lo podi, wakakitshaka emoni letondo keeto tshee,ndo wakalombe da nde mbetawo kaanga kimee shodi yande yadihomdo.Ndo ane tshee wakakimee wakakono.