¹ Sabato saa yayilekila, Maria Madelena, Maria yugwage na Yakobo na Salome ibya bahota malashi, kwa kumulalaba Yesu. ² Lufuku lwa kamo lwa yinga, lukela bwee yuba kalilee wakutuka, ibya bagenda ku mubumboo. ³ Balikusamba: ninani mukashesha hibwe ku mubumbaa? ⁴ Batala hibwe ku mubumboo bamana, hibwe kadikikoongo. ⁵ Ibya batweela munda yamubumbo, babaanga mukingaa wa mulumyana mushagalale mboko mulumee mufale ngubo yimuke, ibya bahusha. ⁶ Akubasakwila: kamuchinaanga, mumukelba Yesu wa Nazareti alisuba, afufuka mu mububwe kakimonka haa, mutale hohanga abale mushikila. ⁷ Lakini aboya bibi mwende mukabalangishe bamukumulonda na Petro abanga kwenda Galilaya: hihoha amumuka mubangila. ⁸ Abatuuka ku mubumbo ibya bahusha moyo. Moyo ibya bakubakwata; kabasambe na muntu, sababu ya moyo wabo. ⁹ Yesu, atuluka ku mihumbo lufuku lubele lwa yinga, ibya mweeka mpala ya Maria Madelena, ibya mukatisha bafu musambo. ¹⁰ Ibya genda mukubalangisha boo belee nabo, na kununanuna na kudila. ¹¹ Saa habahushi bi mushima, kabyahita binage. ¹² Kumulongo wa yiimianda, ibya batukila bantu babidi banayingi puluko, ibya baanwa kwenda ku lungi lubasa. ¹³ Ibya bagenda, ibyabasakwila baangi kabakyakubausha. ¹⁴ Kumugongo, ibya mheka kuboba kumi na himo bele kudianga. Akubalimbukila kwa sabasu ya machima gabo gayumee sababu kabasadiki kuboba balimumana saa atuka ku miyumbu. ¹⁵ Ibya kubasakwila: mwendee ku lubasa boso, mukabalangwishe mianda kwa kila muntu. ¹⁶ Wayita na kubatizwa imukauka mu saambi, geeshi muyita kakuhumu. ¹⁷ Nadi alama dimulonda booba bayita; kwa shina diami bamuyeba bafuee; bamukusamba mu lulimi luhiya. ¹⁸ Bamukwata yoka; ashi badia kintu kya sumu kakimukubata kintu; bamutulila maboko gobo ku bana kubela bamu shookwa. ¹⁹ Kumugongo wa kusamba nabo, Yesu byayatubwa adiyata kwa Fidi, ibya shagala ku mbogo mulume wa Fidi. ²⁰ Nabooba baletuka, ibyabasakwila mianda yooso fashi yoso, Mukulu ibyatumika nabo hamuhonka na kuakikisha kwa muanda uleyeya.