¹ Lufuku lwa pasaka na mikate yichi na kidibwa nakyo yandi kebwa mafuku ya bidi. Bakulu ba dini na bakalani babo balikeba kumukwata Yesu kwa kumuyahaga. ² Balikusamba: lelo lufuku lwa kukumbakana, bantu kabayakana koba kigashi. ³ Yesu afika mu Betania mu shibu ya Simo ali na kifu, wali mukashi na chupa lyage la malashi, amu yogesha Yesu kumikolo, baadi nabo, baboga bibi mutale mwana wa mukashi alumbakanya malashi galehota binunu bi welele lelo ayogesha Yesu ku mutwe. ⁴ Bangi hankachi yabo baboya, mutale gi mwana wa mukashi alubakanya malashi? ⁵ Bahandi hotesha binunu mia yi satu be bintu bihandi hebwa ba mashikini. Boso badidimbuka byadekato hee mukashana. ⁶ Yesu akusamba: muleke, mbiini? bya mwa mubimbisha; ⁷ bashi na bintu munabo kilamafuku, mukandi kamubate kintu. ⁸ Adikuta bya alekasa; alibanga kuludika lufu lwami. ⁹ Nakumusakwilwa, koso kwa bamukusamba mwanda wa Fidi, koso bakabukumba biosho bya kuta ge mwana wa mukashi. ¹⁰ Yuda Eskariote, gimo wabo kumi na babidi, hi byagenda kwa mukulu wa basongwalume ba yahage Yesu. ¹¹ kumuhusha Yuda, bobantu bamana kianya, bamusakwila bamumwabila kamono, Yuda bia keba shinda dia kumukwata amuhane kumaboko gabo. ¹² Lufuku lubedi lwa mikate yishi yi tebwe kintu, lwa Pasaka luabamunchinja ba mulonda ba Yesu bamuyusha akaba tukutwale kuni kudi kadila Pasaka? ¹³ Ibia kubatuma bantu badinabo kulubasa, bamukmbakana na muntu ina mulondo wa mema ba mulonde. ¹⁴ Hamutwela gee muntu, mwine wa shibo, mumuyahushe amulangishe nkuni kwadi mukuya kudi Pasaka na bamulonda bage? ¹⁵ Imukumulangisha mbalo ya mubanga bioso munda, tukadile Pasaka. ¹⁶ Bantu bage iibiabagenda kulubasa bakabanga bioso bialekubasakwila, bia kuta lwa Pasaka. ¹⁷ Kigolwa ii biagaya na boso kumi na babidi. ¹⁸ Hakabamukudia Yesu akubasakwila kwinekwine hankanchi yenu, na biatumusambila kidibwa imukuya kumpana. ¹⁹ Bana bilusa, babanga kuyuhushena kila muntu bii nami? ²⁰ Akubakola: Banubolo kumi na babidi wande beteka hamuhonka nage mu kilengele. ²¹ Mwana wa muntu agaluka biage bia badi gandeka hanana ge muntu adimuhana inakabi, kadimukumbane kutandwa. ²² Hakabamukudia, Yesu ayata mukate akubasakwila muyate, mudie di nikoba diami. ²³ Ayata mokitobwa kia divai atulula hagulu, akubasakwila gu mukuba wami, wa sambakanya bantu ba welele, kwa kuhudikwa kwami. ²⁴ Akubasakwila, shimutoma mo mema ga kintu kyokyoso. ²⁵ Nakumusakwila, shikitoma mo mema ga mizabibu, ho handimukatoma bihiaa kwa Fidi. ²⁶ Habakwa kuyimba, babanda boso ku mutanta wa mizeituni. ²⁷ Yesu akubasabwila kamu na bwashi banu boso badikusamba muntu imulama kikutu kya mikoko yage kabututwa na mikoko yoso ya mwangala. ²⁸ Handimufufuka, mumukubanga ku Galilaya. ²⁹ Petro amusakwila: kashi bonso bakuhela gani simuhela. ³⁰ Yesu ibyamusakwila: Nakuboya, lelo lufuku bubu hampala ya sogolo kuboya kabidi, imukumpela kasatu. ³¹ Petro agalushena: Hutukufa nimukufa lwamuhonga na gobe, sikukuhela. Na bonso baboya byobebia. ³² Bakwenda hambalo yimukumbu lwa Gestemani na Yesu aboya nabamumulonda: Mushagalale haha, kadimu hasha Fidi. ³³ Ayata Petro, Yakobo na Yohane, na kunyongoma na bwashi. ³⁴ Akubasakwila chima dyami kadimabwashi naabyandi mukufa; mushagalale haha, na kamusabalala ³⁵ Kiisha kushimuka kahindi, akusumbula mamutekya, na kusadi bi, hiku kwakashika, yii saa ahanduka nage. ³⁶ Ibyaboya: Abba, shami, byonso bimukashikana kadi, katusha kwandi kikombe! kwandi gami, kashi kyandinukeba gami, lakini kyodimukeba gobe. ³⁷ Ibyaya ku balondoshi, akubabanga basabalale, na kumusakwila Petro: Simoni, asabalala! Akomenwa kukesha nami nani saa imuyonka! ³⁸ Mukeshe na musadi, kamuya kuhona munda ya sambi; chima dina ngufu, koba kadinangufu. ³⁹ Ahanduka ndingi, na byata yoyeya sala. ⁴⁰ Hagaluka, akubanga mba sabalale; kwakumana meso gabo kagalebushito. Kabayuke bamumukola kini. ⁴¹ Akuya dya kasatu, akubasakwila: Musabalale, na muyoshe! gwabanga saa yafika; mutale, mwana wa muntu atushwa kumaboka ga banasambi. ⁴² Muyamane, twende; mutale, imukuntusha kadi hehinetu ⁴³ Honkahano, byadikusamba nabo Yuda ibyaya gimugonka wa bamitume bage kumi na babidi, hamuhonka naage bantu ba gwelele babatule mpanga na mitchi inana batumwa na bagandishi bo bahata, bana machima gabihe na bakulu ba kibalo. ⁴⁴ Gegya imukuntusha adikuba bila halama: gegya wandi muyambidila, iage; mumukwate, na mumutwale loso. ⁴⁵ Haafika, akushesha hehi ya Yesu, nakuloya Rabbi! nakumuyambidila. ⁴⁶ Bo bantu ikokumuta Yesu maboko na kumukwata. ⁴⁷ Gimugonka wa bo badimulondaa iko kuyata lupanga, ashemuna kutwi dya mutu wa kashi wa mufalume wa bagandishi. ⁴⁸ Yesu, akola akubasakwila: Mwakuya bo bugami mutombo nampanga na michi ya fimbo kwa kunkwata gami. ⁴⁹ Nadinenu mafukugoso hankachi yenu, ninimukumufinda munda ya bibanda, kamu kyankwata. Mbukuboya yadiandikwa yatebwe. ⁵⁰ Hohoha boso bamuleka na bashuka lubilo. ⁵¹ Muntu gimugonka adimuyeya adi na kikwembe. Bale mukwata. ⁵² Adikubalekela kikwembe kyage, ibyagenda nkela. ⁵³ Ibyabamutwala Yesu kwa mukulu gwagandishi, iko kubasambakanya bakulu babagandishi, bakulu ba kibalo na bana machima gabihe. ⁵⁴ Petro amuyeya kadi kulehe na byaafika munda ya kiwanjakya mukulu wa bangandishi, ashagalala hamuhonka na bantu ba kashi, na kabamuyota mudilo. ⁵⁵ Bakata babagandishi na ba sanedriyo akamukeba mianda ya madini yq kusamba kwa Yesu, bila bamuya hage, nakabakyabanga kintu; ⁵⁶ kwa kumana bantu bagwelele balekusamba mianda ya madin kwadi, kumana Yesu, mianda yabo kajihamuhonka. ⁵⁷ Baangi bataguluka, nakubatula mianda ya madini kwadiage, mukuboya: ⁵⁸ Twadimuhusha mukuboya: nimukuhonesha bibanda na muntu nakiisha mafuku gasatu nimulonga hingi, yishiyilongwe na mboko ya muntu. ⁵⁹ Kashikwa go mwanda gwabo ye mianda yabo kayimukuya tena. ⁶⁰ Mukulu wa bagandishi, ibya taguluka hankachi ya bantu, ikokumuyuhusha Yesu na ku boya: Kumukoba kintu? Babantu bamuboya kini kobe? ⁶¹ Yesu age weee, nakyaboya mwanda, mukulu wa bandishi iko kumuyusha ya kabidi na kumusakwila: gobe Kristo, mwana gwa Fidi mubarikiwe? ⁶² Yesu iko kuboya naami. Na mumumana mwana gwa muntu amushagalala ku mboko ya mulume ya bukome bwa Fidi, na nimukuya mu mungi gwa mbingu. ⁶³ Bakulu ba bagandishi basanuna ngubo gage na kuboya: Tutakimukeba dingishi? ⁶⁴ Mwamana byakufulu. Mwama bini? Booso baboya gigi mukumbana kufa. ⁶⁵ Na baangi kabamufidila mata kwadii na kumuhumuguna ku mpuluko na kumututa mpete ya songo, na kumuboya; kosakule na bantu bakashi ba muyata kwakumuhula makoofi. ⁶⁶ Hale Petro mushagalale mu kiwanja, amana muntu wa kashi wamukashana wa mukulu gwabagandishi. ⁶⁷ Habamumana Petro imuyota mudilo, ge mukashana imumutala na ibya boya: Gobe adi hamuhonka na Yesu wa Nazareti. ⁶⁸ Ibyahela, nakuboya: shimuyuke byamumuboya. Na byatuka akwenda mukufiama, na sogolo ibyaboya. ⁶⁹ Gee mukashana muntu wa kashi, hamumana iko kumuyuhusha mo kuboba baadi nabo hoha: gigi muntu gwa boba bantu. Na age ahela dya kabidi. ⁷⁰ Kihindi kinana, boba badi ho bamuyuhusha Petro: twamana gobe imuntu wa bo bantu, twakumana mu Galilaya. ⁷¹ Hohoha kadimufiama na kulapa: Simumuyuke gegya muntu gwa mumuboya. ⁷² Honkahano, kwa mara ya kabidi, sogolo adila. Na Petro ibya yeya mwanda gwadimusakwila Yesu adimuboya: hampala sogolo kale wakuboya mala kabidi, imukunkana kasatu hayukidila, ibyadila.