¹ Luthuko kwa mitsi yeluhatso yoyamerubhurwa nebhihitwa. ² Yoithaupfure amulenge wa Ongo, neri ithashaibhonekya amatheeko kwethenga kwa Ninakuwethu. Bobhathawethe minihiro wanina kuwethu bhathisheere Ongo wabho. ³ Bhami bhabho ndale yaibhungula mwibho. abhakungu bhabho nyabwe samwakiro sosamefuluka bhutsira kindu mwamalamukiro. ⁴ Abhaxonga bhamo bhauchwire muhao neithunduli na luhatso. Abhahere bhabho bhame tsambya hahakomire kandi bhamerubhura miomba. ⁵ Ninakuwetu yenina shashu mwakathi kabho. Athangakola mabhala. mwarundurundu anaumanira kyaka kiwe Nakwekyo bhandu bhobhathakwirire bhathechi xunga luhatso. ⁶ Namebhihya sanganda, na bwikalo bwabho bwameshambulwa. Namekwitsa amirongo yabho ndokolo, kiro mundu muuma ya tsukamo. na mitsi yabho yameshambulwa. ⁷ Nibhula, nakwekyo mweniubhah'engye. mwixubheko mutheye chibwahale kwethengera mwamitsi yenyu kwa mianikire yaranietheko kubhushi bwenyu. "Hewethuwe bhebhaa na mbusha ye bhihya amikolere yabho yoshi. ⁸ Nakwekyo munilindire "abhula Ongo Ninakuwethu kwehikira kiro kyonehende umanya mutwe kubhushi bwa bhahanya. Amatheeko mani ikumakuma asanganda na bwami na sheshabho haluulu ya mixona yani, bhuale bwani bhoshi bhunene, nakwekyo amitsi yoshe ye merwa namuchanwa ya muxonani. ⁹ Nakubhushi bwekyo nebhaha mithuthu ikomire ya bhandu bhoshi kwetsina ra Ninakuwethu kwenikolera kushe kusshe. ¹⁰ Ithengera reshirya ya lwichi lwa ethiopia abhandubhani bhabhaniumanikira bhobhashachanganaa bhenletha ndulo kubhushi bwani. ¹¹ Nakirwekyo muthihendebhe na bhubha kwamikolere yaramunakola kubhushi bwani kandi kirwekyo nehende thengya bhobhanyalalaa mubhiwenyu, kubhushi muthihendebhe na kashangi kale kwandathani yoikomire. ¹² Hewethuwe nebhasiya ngakuno ndeethee kwirengya bhachene, mwendebhonekya mashairo kwa Ninakuwethu Ongo. ¹³ mkotsi wa israeli hethekashangi kanene athikwitse bhubhi neri atheneene bhubhesi, kandi hethe lulimi lweneena bhubhesi bwibho, na kwikyo bhelya neonchira heshi, hethe kiro mundumuuma ya kahende bhaubhahya" ¹⁴ Imbalwibho kikumi kya sayuni! kola bhurunga, Israeli. mowa ne ithithibhula mumuthima uwewoshi, kikumi cha yerusalema. ¹⁵ Ninakuwethu amebhola a lubhanchya lwawe, amehetseretsa hale bhalenda bhawe! Ongo ye mwami wa israeli mwitwe. Kalyangothe muthiubhahe bhabhi! ¹⁶ namwabhirwebho bheneena kwa yerusalema, "uthaubhahaa, sayuni. Uthasiaa minwe thethera yawe kwe. ¹⁷ Ninakuwethu Ongo wawe ali mwakathikathi kenyu, namaala mangi mebhaufula. Emoerera kubhushi bwenyu na kwalumoo etsira kubhushi bwenyu kubhushi bwa tsii iwe. Ebha na tsii kubhushi bwenyu ne moerera kwa lumoo, ¹⁸ Namwakathi kabhiro bhikwirire yemoerera. Nethengya byango byoshi ithengeremweyu, hathe kashangi kandi, muthihirweko luhatso kandi. ¹⁹ Sindera, ndirubhu kwekolera bhalenda bhenyu bhoshi. Namwakashangyako , Neufula bhobhatsithohirwe nethumathuma bhobhalekerwaa hale. Nebhakwitsa kwiba muhunguniko mwa kihuo kyoshi. ²⁰ Namwakashangyako nebhaimitsa; Namwakashangyako nebhathumathuma hauma. Nekwitsa asanganda soshi sakihuo kwebhaubhaha ne bhasingya, kashangi mwehende bhatyo, Nehendebha ninamebhafulukya "abhula Ninakuwethu shebhatharumbu.