¹ Kinweki kya Ninakuwethu kyokyahikiraa sefaniya mwana wa kushi mwana wa gedalia mwana wa amariamwana wa hezekia mwabhiro bya yusia mwana wa amoni mwami wa yuda." ² Nehohothera kirakindu kiri mwakihuo abhula Ongo shebhatharumbu. ³ Nehohothera mundu na bhipfuanwa; nehohothera nyonyi sa mwambingu na sapfi samwanyanchya, bhubhisa huma na bhabhi. Nakwekyo ne hetseretsa hale mundu kwethenga mwabhusu na kihuo abhula Ongo yenawene. ⁴ Nehika kwakubhoko kwa yudea yoshi bhobhali iyerusalema. Nehetseretsa hale kitsi misialitsa bhaali ne kwethenga handuhano na matsina ya bhandu bhanaimanikira kipfathuro na bhahere bhabho, ⁵ bhandu bhanyumba bhabhaimanikira mibhiri ya mwambingu, nabhandu bhabhaimanikira ne lahitsa mwa Ninakuwethu na bhandu bhabha lahitsa kwa Ongo NInakuwethu kandi nabho bhabhalahitsa kwa mwami wabho. ⁶ Nechira hale bhandu bhobhatha bhabhindukira Ninakuwethu, nabho bhabhathinde bhutsiritsa Ninakuwethu Ongo. ⁷ Uithondeke bhuxondothi bwa Ongo Ninakuwethu! kubhushi abhiro bya Ongo bhihera hofi, kubhushi Ninawethu ametheutsa kishiho ne komya bhaeni bhewe. ⁸ "Yehik' akiro kya kishiho kya Nina kuwethu, nakwekyo nehumba bhakuluku na bhana bhamwami, nabhandu bhoshi bh0bhaumbala ngubho sa bhueni ⁹ Namwabhiromo nehende humba abhoshi bhabhauluka haluulu ya bhishiki, bhabhautsutsa nyumba ya nina kuwabho bhithingo nabhubhi. ¹⁰ Namwabhiromo abhula Nina kuwethu shebhatharumbu kwehendebha mulenge yaithengera mwa lutsi lwa sapfi, na mulenge munene kwithengera mwamutsi wakabhiri na tsindo nene kwethenga mwapfuli. ¹¹ Nakwekyo mubhande kiriro mwemuikere mwa makdeshi kubhushi bhachurutsi bhamehohotherwa bhaxonderetsi bha makutha bhamechirwa hale. ¹² Ikendebha bhirwebyo nehonda yerusalema kwangoletso ne humba bhalume bhoshi bhobhameikala mwamapfu mabho neena mumuthima bho "Ongo athikole kyoshichoshi, neri kibhi neri kiotha". ¹³ Bhitye byabho byeibwa na nyumba sabho sewerekerera mwebhushambutsi! bhehimba hewethuwe bhathibhemo, bhebyala misabhibhu hebhithikame nehoma mapfu maro. ¹⁴ Akiro kinene kya mubhake kihera hofi kindiki akihika chuba! na mulenge ya kiro kya Mubhake yebha ya kiriro kya bhuale bwabharai! ¹⁵ Nakirwekyo kyendebha kyabhutsibhuke, kiro kya bwaale na bhonchyo, kiro kya kihira nehohoterwa, kiro kya mutsimya ne kambangya, kiro kya bhuthuku ne mutsimya nene. ¹⁶ Yehendebha kiro kyebhanda hembe ne nchyoera kubhushi bwa mitsi na mirongo miremire. ¹⁷ Nakwekyo nenletha minubho kubhandu, nabhalume bheenda ngakuno bhihumihumi ithengera bhiro byabhubhi byobhakoleraa Ninakuwethu. shiama yabho yesheshwa ngakuno mupfufu, nabhubhisho bwabho ngakun'wepfu. ¹⁸ Neri mumbubh'abho nebhuthea bhithiufulebho kubhushi bwa bhutsibhuke bwa Ninakuwethu, mwakathi ka muono uwe akihuo kyoshi kye hwerekera, nakwekyo ebhereretsa abhishingishiro kewabhoshi bhobhali mwa kihuo.