¹ sindera namethuma mulairwani, yaka theutsa nchira yani bhuxondotsi bwani. Na ninakuwethu ya muxonda ehika malibhitha mwa ramitso riwe; namulairwoyo wandaane, kwiye mwakathi kewe mumoere, sindera ahika." abhula Ninakuwethu she bhatharumbu. ² Inde yakaisikya mwabhiro byehika riwe? Nende yakaimana mwabhiro byehuluka riwe? ngakuno mundu ya komya kwa muchanwa ne mundu ya fura mwamwapfu. ³ Eikala ne theeka ngakuno mukomi wa bhuthea, ekomya bhana bha lawi. Ebhakwitsa bhabhe bhakwire ngashusho ya ngola ya miringa na bhuthea, kandiki bheletha ndulo ya shashu ira mwa NInakuwethu. ⁴ Nendulo se yudeya ne yerusalema setsiirita Ninakuwethu, ngakuno bhiro byakwamira, na mongera ya kwamiura. ⁵ Nakwikyo netsuyka hauma nemwe kwe bhachira lubhancha. kandi nebhakakaliho kakathatsithohire kwilengya bhakupi, bhasingitsi, na bhabhesni na bhabhattsuwirwe bhaheka mitsio na bhaxumba katsi nasafubhi, na bhandu bhabhatha niupfirengye na bhabhahetsa mueni kwethenga mwa shuushi riwe, abhula Ninakuwethu shebhstharumbu ⁶ Ingyengye Ongo ndabhindulikengye kandiki mwebhana bhayakobho, muthashamukola. ⁷ kwethengera bhiro byabhothatha kulutsa bhenyu mwamebhinduka hale na miomba yani muthashamulangatho. munibhindukire nye, nani nebhabhindukirengye," Abhula Ongo shebhatharumbu. heamubhula twekubhindukira bhathe? ⁸ Bhathe kwara munyaruru angakocha kwe ibha Ongo? amuniibhirengye he amuneena twamekuibhira bhathe? kwa bhishabho na ndulo ⁹ mwamepfumwa kwa luthuko kubhushi bwareniibhirengye nganda yoshi ino. ¹⁰ Munlethe bhilyo bhingi mwakimua kurebha 'a abhibhemo bhilyo bhingi mwakimua kya mwanyumba yani, muniereke kwekyo," abhula Ongo shebhatharumbu. "muhunge ngendibhakingulire dirisha sa mwangu ne bhasheshera muisha haluulu yenyu, nakwiro muthibhonekye handu hehirabyo. ¹¹ Nekemera mubhihya kwime athengeye bhihya myak'enyu na kihuo kyenyu; na samboko senyu sithikehye nithechiyabha kiro kiwe," abhula Ninakuwethu Ongo shebhatharumbu. ¹² Asanganda soshi bhekuluka ngashani kubhusshibwawe kyebha kihuo kya lumoo," abhula Ninakuwethu Ongo shebhatharumbu ¹³ Amunitsungulako nabhinwa byenu bhitsibhu," abhula Ninakuwethu shebhatharumbu. twameneenaki kwekutsungulako?' ¹⁴ Mwamebhula hathe kamaro kwe kolera Ongo. halimurungukoki kwelanga miomba iwe neri kweenda mungumbaalo bhuxondotsi bwa Ninakuwethu shebhatharumbu? ¹⁵ Nakwekyo athuluka bhabhali na mixonya bhongashani. bhabhisa rithe reashanirwaho hewetuwe iereka Ongo nemusiika." ¹⁶ Nakwiro bhabhaubhahire Ninakuwethu bhashambala ibhokwibho; Ninakuwethu alimatwi kwethuhulikya, nakibhulambalwa kyamwibhuko kicharangwa kubhushi bwabho bhobhaubhahire Ongo neubhah' aretsina riwe. ¹⁷ Bhebha bhani abhula Ninakuwethu shebhatharubhu," kimua kyani, mwakathi kabhiro kenikahende kola, netsiirabho ngakluno mundu atsiire yanamukolera. ¹⁸ Nakubhushi bwekyo ne xondola shashu nabho bhobhanakola shashu na bhabhi, yanaimanikira Ongo na yathangaimanikira Ongo.