¹ Ayadrana, sisonomobi epati kanadre-nokosa-ngi, mimi ambei nubiane, mudu nombi dri nubia-sobi, umuloko drulisu mingejaribudru tawdru. ² Miebili ibiliki, so mihene- sha amuri kristune. ³ Dru nombibemba só anedhu, kane nedhu, alibhendre tandre. ⁴ Ila nombi nepima nemolodre tandre, indru obho noloshababu abho nabibiradre tandre, tambi waye. ⁵ Si indru ata nombi ebhili nigilidre-tandre. ⁶ Ila nene anobha indru nubhu, otenye bhane adhobha indru nubhu ngi a sodo. ⁷ mingalibhe: orombidra alibewadre; ngi nene nombi edhine ane evunane. ⁸ Sinene nonyinyi-ndre tandre, no nyinyi ofó naliwa liwa; ila nene edhi nubia, bha nubia ofo nuzima lido. ⁹ Bha indru nesisi nendete, mangaloba, si ata nosandre. mama fo, marinakalabi. ¹⁰ Indru mangwo kalisu, maesi nendété tambi-ngi, omwe nala éé nogyo nïïmani. ¹¹ Aloko, nakuvhume mipe nga maluvhune mila na oté tadra. ¹² Ngi enga so aleu obhu mendete nonyinyi , ovhimimi só'anigyone; angepata nawhesi najili musalaba krisitu. ¹³ Bhae aligwa bhae bhebhe namuri; ila abhi mimisó mungwo, epata só abibira kionyinyi. ¹⁴ Ila ima mangabibi radra tandre-ata pidiho najiliine dundre, ama musalaba maapa-dra yesu kristú, nala nipenadri owhayo numala, bha ima nipena. ¹⁵ . Indru yesu-kristú só alingwoni kane nedhu, ama kinge alingwami, ila ambi didhya. ¹⁶ Bhangi anodru namuridri, nééma nyero bha nereima, bha nisraeli orombidra-ndre. ¹⁷ Natunda-tunda soi wombi nange sumbushama, siyaepata nonyi nyidra nakya naapa jesu. ¹⁸ Ayadra-na, nééma bwana-ka yesu-kristú nobhu mekane bha n'ubia-ka. Nobhuso.