¹ Ngé owe, vfiya minguso miyo mi miekanaké na asili wa ituumana. ² Vfiya tàa bhagagulu bha pasiye igwala mbèse na mpumatima myá bukubuku, ngé bha gwali bhushé bha ikakiya, bha otinga, bhakamé á idjeliya, á bhuondusiya, á ibhéliya. ³ Vfiya taa bhagagulu bhá bhali bha pasiye dyokuto igwala bhushé bháa bha enikaniye á madjo ma bhushé na bhu Kengo, na mbèse bhushé bha ébhela, mbèse bhushé bha idjiowa á bhingoka, bha pasiye iowá makoko má makima, ⁴ dyulu lá igulusiye bhali bha mandja bha ondu bhalume bhabhó ka na bhana bhabhó; ⁵ bhá gwali mbèse mipumatima ma bukubuku, ngé bhá gzali bha sime anga bhalume bhabho, bhakambisia má mekambo ma byavfulu byabhó, bhakima, na idji dulusiya angá bhalume bhabho dyulu lá tàa livfiya la Mbali lineko sesanaké. ⁶ Ubhadyedyá dyokuto bha nongo bhagwali na otingá, ⁷ na idji vfanisiya owe kubhanene toku mufano wa n'kima á minguso mitopa ka na igulusia á ma bhusúmba ka ma angili angili, ⁸ livfiya lá lekima, l mbese, ilikala mungusa akodhu apati bhutshoni, ka agwali mbèse taá livfiya lá bhushi angasú. ⁹ Ubha dyedyo bha kambiya bhadji dulusiya anga bha dumanga bhabhó, bhabha seeisiya á minguso mitopa ka na mbèse igwala nabho na n'kakanyi, ¹⁰ na mbèse i teiya, nge na ivfanisiya masi kumatopa bhu kamisià bha bhukima, munguso mitopa, ¹¹ naisowa táa lokowa la Mbali, luwo lúmóno étuko la ibhika la bhushé bhatopa, lu vfanisianá. ¹² Yatugulusia táa tutikila djambi ká na kulu dja kisi, ka na ibhika á edjo ino iyekana na bhu tumba, bhu endjini ka na inedjibha Mbali, ¹³ na isibhaká ikpaliya la likima mukoete ká ienikiana la obibo la nkota Mbali ka na m'bhisiya wau Yesu kilisito, ¹⁴ undjo údjiowa kubhanene dyulu lásu, mungusa atuesisiya á bhubhi bhutopa, ka na idji kiya bhushé bhèse kubhanene, bha twemané nana ka na igwala na nvfevfené wa ikamba nekambo mamikima. ¹⁵ Vfià mino minguso, dyedya, ka vfamila na lokulu ntopa, ka na dyoyi ya bhukota. Mbese mushé taomoyi inéena mbulembule.