¹ Paulo, n'kambiya wa Mbali, ká n'tende wa Yesu Kilisito á idjéliya ya bhàa bhú minúlaná n'a Mbali ká na otinga lá angili lúwo lú iyekana na ikáma; v 2 Bhàa bhá bhagwalé á ikpaliya á ibhika lá masi Ku matopá, lilakáné tangia wakati wa ngbé na Mbali úndjo andje vfavfiesé ebhélá, ³ Ká úndjo úvfanisiyá livfia lésé á wakati úwo á iúbhiliyá liyo iowáná iyékana na luúsa lá Mbali m'bhikisiyá wasú, ⁴ Ángá Tito, móna wami kubhánéné á idjéliya lású ta limoyi: kia lokówa ká bhugúwe bhugwali bhi owáné angáyi iyéka angá Mbali Tita ká angá Yesu Kilisito m'bhikisiyá wasú. ⁵ Iné tika móno á Kelete, na tàa útúkúliya miyo mibhiaèse mitukuliané, ká tàa, iyékana na lúúsa lámi, utemiyá bha gagúlú á kila ndeyi, ⁶ Ani igbokianiye mushé úndjo andjèse na makósa, mulúme wa mwali Ku tomoyi, úndjo ú na bhána bhàa bhá bhasimé, bhàa bhandjé abhó á mavfanyi áo bhatombóki. ^{7 8} Ngé agwali abhiga bhushé, mbéni wa bhushé bhá bhakima, agwali mufáno, éndjini, kéngo, ntúmbá, ⁹ Mudungiané na livfia lá likima toku ligulusianá, n'a tàa agwali mutoké ikomúla iyékana na asili wa túú ká na ibhá ságá bha tuwá nganyi. ¹⁰ Ina, ása ángá bha gbéga, égi ya bhushé bhàa bhá bhatombóki, bhavfia mavfia má tititi ká bhatúka bhushé, ¹¹ Angá bhàa ya fàa iégila anyuwa. Bhàa bhá koosiye mabhoti Ku matúbhu, na igúlusia dyúlú lá faidha ya bhutshóni iyo indjé bhongièse na igúlusia. ¹² Tomoyi wábhó, n'kanga wábhó ku bhanéné, uvfiya: Bhushé bhá Kelete bhushé bhá ebhélá masi kumatopá, túmbú dja djikáli, bhaónda idhiya mbèse ikamba. ¹³ Bhusamboli bhúno bhú bhá angili. Na dyito ubhá vfamakiláyi na bhukáli, nataa bhapáti idjéliya lá likima, ¹⁴ Ká mbèse ibhó idji owá á tokáka dja bhá Yúda ká á makókó ma bhushé bhàa bhá bhasiye seliya ya ékima. ¹⁵ Etopá i túú dyúlú lá bhàa bhá túú ngé indjèse na ya túú dyúlú lá bhàa bhá súlú ká bhàa bhandjé n'djibhie abhó Mbali, otingá lábhó ká dyóyi labhó lá mpumatima má súlú. ¹⁶ Bhá küye tóku bhá ndjibhiye Mbali, ngé bhá n'lambulúwe iyekana na mékambo mábhó, miyo mi sesaki Mbali, bhatombóki, ká na mbèse itoka mokambó tómoyi wá n'kima.