¹ Mununu, gwa Kiria sobolibwe na ba bage , nobasw wa kowine, na nda nyami bunga bwami, na bose boyi gomuanda gwa kowine. ² Mugu mwanda gwa kowine gukwete muchala munda mwetu, nago kumuchala na batwe milumbu na milumbu. ³ Nzuba, lusa, talalo lifumine wa Vilye Thatha na Fumu gwetu Yesu Kilisitu, mwa gwa Thatha yi muchala netu mukowine na mubuswe. ⁴ Niselezje wa umona bangi batana bobe bakwete mwena mwisinda lya kowine, bebebyo bya tutambwile bizila byatata. ⁵ Nalwine, nayu, nokuwanzja, ndauboya nage nokulembela bizila biya, gumone mbebebyo bwali na byo umbambi, nage twiselezjene. ⁶ Na bunwe ibuswe, tusimuwe wilondena na bijila byage na binwe ibijila byage bebyo bya mwali utegene na umbambi, mwiningishe na ulonda. ⁷ Ngu boya nage ba malimi bashali bofumina mwilungu, basi mwitabizja nage Yesu Kilisitu guvile bumundu. Yogo igwa malimi na mulwigwa Kilisitu . ⁸ Mwilole mitima yenu mulee uzimizja mwanda ya mwali mulonga, na mutambule futo lya milimo yenu. ⁹ Munda gose limwena umeso namuzi na muzi buswata na buyigizibwa Kilisitu, ge ndena Vilye. Yogo limu gililila mubo buyugisi, yogo gu na Thatha na mwana. ¹⁰ Mundu limuva wenu, nage ndevisishe buyigisi, nangu mutambula mubyende byenu, na nangu muyimuna. ¹¹ Yogo limumu yi muna go witabizje mulimo gwage kubia. ¹² Ngiya nina mianda yi shali, naji muyilemba ubizilya wino, na swele uva wenu, na wisamba nenu lwebo wa lwebo, ao musangu gwetu gwa monee. ¹³ Bana ba ngazi byala basobolibwe bokuyimuna.