¹ Tumbualanga nyu nyuewe, mangelo la utamba, lo wese mbu zambi mbolo mumbutolamo le nyomi ye zambi mba makedonia. ² Etena ke kekana wulu la soi, efula ke saki keo la kuchama le uyambe mbowo umbuto okondji wunyagnu mbo. ³ Le ndjala lamuena mo wakadiye lo saku le mbakaweye, la kanga ndeka mbakaweze. ⁴ La lo nanga ndjewo bame le tosengasenga fula, wakatolombe lutundu wu mbukana lasa sambisha na le mbetao. ⁵ Ne tadekale muete mbakiso tukaniye, shila nyende tundu wakayadiye bo bame le wana, shila wakayadie bame lesu lo lolango ndo zambi. ⁶ Ngaso tukasengasenga Tito loki kokele ambutale olemo one, mbela lasa usalemi shambo nye la lo diko ndesu. ⁷ Yako nyu nyule la fula ndo lasa la yango lasa mbetao, lasa saula, lasa bengo, lasa ndjatole, la lasa lolango nonyu lutundu mbosu ngaso nyuwashime mo nyu nyuya la fula ndo lasa shambo nye la. ⁸ Lasaula ne aha muete kila, shila nyende, lasaula kele keka olo mbu lulanga nonyu le fonana la soi nde watu wakina. ⁹ Lo okomo nyueya dese nde wana mbosu Yeso Kristo kanga ndo aki kaka okundji, lutundu monyu aki oyambe kele mo mbete wula monde nyukuke ndjala use okondji. ¹⁰ Lasa shambo nye lakonyoye dako ndele ndekunyu kemaniye eleko omo wukete tanyukatate tundu ke shambo yako nyukalalanga ndeki. ¹¹ Asa nyudekokome muete tu mbukiso la saki la lokani le ndoke, shila ngande, nyutukuka ndo ndeela lasa olo, le saku ke ndembuwetao. ¹² Le ndjala nyole la saki keke shambo ndjo ale shambo yolo la ndetawama, ohomba demale diko nde kingo kelela bde utu, aha lo diko kehalande utu. ¹³ Le ndjala olemo one aha lutundu mo wakina wakuke mbaya lonyagnu lenyu nyokuke shila nyende, kuyale la kedi kedi. ¹⁴ Efula kenyu mba kene ukukemaniye le kingo kelangao, kene ale ndaso la kele mo efula kewo ukuke kemaniye wa ohomba monyu, la mo deyale la kedi kedi. ¹⁵ Ne ale muete ekashilama; nde lole la fula haki la yango yemo kekachikala, la nde lokiko la chiche taki la hahumbe kemo. ¹⁶ Yako atumbuame zambi, lokakiche latei mba etema mbe Tito otema ungu oko tetemala la ndeka mbale lalela lutundu monyu. ¹⁷ Le ndjala aha tu akalungula ndombelo ndesu, ila ndo aki la tetemala fonana la dombelo ngo akaye lenyu lo lolango nonde name. ¹⁸ Tumbutuma kame la luto lande lole, ambotemolama lasa wango vudu ye zambi lutundu mbu ulemo monde lasa sambisha doi nde zambi. ¹⁹ Aha gnane utu, yako ndo akasonama la nvudu ndje sambi cho lasu lasa memba saku taletale shambo nye la ome ale wuhu mbu wana name na le saki ndjesu ndje kemaniye. ²⁰ Tumbuete ndekokame mbole tumbuwemba. ²¹ Tumbosa dingali ke kele ke lutumbu, aha tu tundu ke wana, yako ndo tundu ke watu. ²² La tumbutuma luto lasu ukina kame lawo tumbuedike mala fula, la muena ale kanga olo lutundu mbu ule mo fula, kanga sasa ama tetemala ndeka lutundu ya lokani lonyagnu lolande latei manyu. ²³ Lo sango ndje Tito, nde ale lokana lami, la loke olemu lami lutundu monyu, ndo le luto lasu la wehombo la nyomi ye zambi ale la samani le kristo. ²⁴ Ngaso nyuenyane lolangu monyu, la nyuewe le nyomi ye zambi mbe ndjalanga ndjesu lutundu monyu.