¹ Ale ohomba ndjaenye, yako koha kembukuchama lo ngo, lakucho lele do la ndenama uma lewana. ² Lewa utu omo lasa kristo lole deko ofungo la nei ndekaete mbole deyala lasa lowa, ama landja mba lowa, nimi halewe: zambi lombea, akaeduama diko lasa olongo mbu sato. ³ Na leya utu ungu eyala lasa lowa andja ke lowa nimi halewe zambi lombeya. ⁴ Akaemamo diko polo paradiso la mboka akambo mba olonde ka le utu umo ndesaula. ⁵ Lo wuhu mbu utu muete none, lakueyaenye. Yako lo wuhu momi nimame halakuyalanga dekokandjala lutundu olembi momi. ⁶ Ndo lalonga ndjaenye, hatuyala tongu, le ndjala latoyala lasamba solo, yako lakolela ndjaenye, kele mo hakoyala umo lokokaniye ndeka la ngo lamo ndekuene latei mami ama mbuka uma lemi. ⁷ Halakuyalanga ndo lutundu mba ngo mbushuama la yuhu ye, bengo, luso, ndaso halakulola la lumendja, tende deka kichamo latei mba lowa nomi, okendji mbu sumbu wakasangate nimi, kele handjuengo ndjala ndjalanga. ⁸ Mala shato lakasengasenga wana lutundu wume, kele nde mumie uma lemi. ⁹ Lande ambushime ''wese momi wumbukuka lutundu mbue le ndjala kudu ke wolo lasa wodu, ngaso, latolanga ndeka ndjaenye ndeka lutundu wodu momi, kele mo wulu mbu kristo wukuke kita lu diko nemi. ¹⁰ Luso lambukoka lutundu mbu kristo, lasa wodu, lasa toi lasa unungu, lasa soi, lasa wuhu mbu lu nyangu le ndjala etena laki wodu, shila lale la kudu. ¹¹ Nimi laya tongu, nyu nyukahumbama lu so, le ndjala utumuyala la mbotemolamo la nyu, le ndjala taki olole wango mbelame wekendji mbolo, kanga ndo nimi laha yango. ¹² Bengo nde solo nde wekendji wekakeama lasatei manyu lo diko, bengo la bengo la shambo ye wulu. ¹³ Lo wuhu oko na nyoki mba kedi kedi mba lase ndeka nyumi ye zambi ndjekachikala, keha ndjala taki ochumo lenyu? Nyokimue lo munga ngo. ¹⁴ Dinge: Nimi lale kokele ndje lenyu lo mala ke sato, taki ochumo lenyu, le ndjala halange yango kele kenyu, lanyulanga nyu, le ndjala wana hawokoke kiche dikondjelo lutundu mbu awuchi, shila nyende wawuchi wakuka kiche mumba lutundu mbu wana. ¹⁵ Lakuka saki ndeka tume la tuma lutundu wu lowa nonyu ndo lambualange ndeka, lalangema nanga chiche? ¹⁶ Yako ndo mbulendo, takawela wachu nyu, yako le ndjala nimi lale lo hemo fula, nimi lale nugna lokakeme nyu le laya mbale akawawaye lo odimbi. ¹⁷ Ngande, lakembe le ndjake dikondjelo le wamo mbaka motume lenyu. ¹⁸ Lakasengasenga Tito ndje lenyu, la lakatume lu tolande okina kame lande, ngande, Tito akawake dikondjelo nyu? Ngande, hatukakende lasa ukulu ungu oko, ngande hatukakende lasa wanya ngo deko. ¹⁹ Nyukana lo tena one wamo tumbuyala tuyesawe shuame lenyu? Tundu ke zambi, la lasa kristo, tumbu saula la yango lutundu mbu mbashime nyu. ²⁰ Le ndjala lale la woma, mo lakuye lakaka halakunyuwaya nyu muete mbuka mulange, lale la wamo mo nyukuka hanyu mbaya muete mbukanyulange. Lale la woma mo dekuka ndjala wusani, diva, unungu mbuyeni, lohelo ndo lowa, lomendja, la usani. ²¹ Lale la woma mo kembutula lokina, zambi kemi akuka menyo la tundu kenyu, lale la woma mo lakuka momaye la fula mbale wa wamboka munga tundu ke sasa, la mbale hawakalele mindo, la seka la akambo mba loseka mbolewoluke.