¹ Asa lutundu mbu ndjekawotole oshasha le kishi, tumbueya mo ''shu wamo toleko la bengu.'' bengo mbele ndjalanga ko lolango ndohika. ² Keyala utu umo ambukana mo ambueya shambo mio utu ungu tundu hewe muete keyalema mbeya. ³ Yako keyala omo lowo akalanga zambi, utu ome ambuewana lande. ⁴ Asa lutundu nde mbu mbekawotele oshasha le kishi, tueya, ndjala kishi aha yango landja kene, la le ndjala ko zambi, ole omo tu'' ⁵ Le ndjala koleko efula welewo wazambi keyala lolongo ama lase, muete gnagnu mbole ''wa zambi la wawana efula. ⁶ Keyale ma lesu koleko zambi omo tu lole nde apa, bango demo uma lende lasho tasabokita, lende bango demo wele ko, la lende nde toleko shu. ⁷ Kanga gnaso, mbeya kene keha latei wa la utu lokongo monde, wakina wakasangala nomba mbe kishi nagnu eja, la kanga sasa wambo le nini gnane ndo mo aleko yango kekatotama oshasha le kishi tokani towo yembuadiye le ndjala aleko wodu. ⁸ Yako mbu hayeshimba shu le zambi shu toha kuwolo efula muete latu le, ama ololo efula deyala tukole. ⁹ Yako deyala lolo mo chungo nyenyu tadiyalake lutundu mbo chumbola lole wode lasa mbetao. ¹⁰ Keyala, kana mo utu ambukuena, we lole la mbeya, umbole mbu lasa lomi lo kishi, lokani nonde utu ongo hatoshi mbi kanga nde ule la bango mbekatolama oshashi le kishi? ¹¹ Lu so lutundu wu mbeya mbue wa solo lo diko nde, eja ke kishi, mangelo la otamba lole wodu, lole ndo kristo akavu lutundu monde, ambosowa. ¹² Gnane, umboke munga ndeka mangelo la otomba la okunda tokani tole wodu, mbake munga ndeka mbe kristo. ¹³ Lu so, keyala mbu yela pukusu mange lo la otambi, hala kole nyama pondjo la halakodingitanye mangelo la otamba momi ko.