¹ Tusaule mo lasaula lo usau mbo atu la nde andjelo. yako ndo laha la lolango, laya shala ndele ao dikondjelo nde langawo. ² La mo lale wulu onvuchi la mbeya mbo solo ndekashama la mbengo, la mo lale la mbetao mbe munula dima yako deyala laha la lolango, nimi laha yango. ³ La tusaule mo lambuadiye bango nemi demo la mbaleshe chungu la mo lambuadiye lowa nonu wachumbe tue yako ndo laha la lolango, ko dikoko ndjelo de yango. ⁴ Lolango kuelewo diki, kele olo lolango haluyatamanye ama halu yaenye, loha la lunye ⁵ Aha odimbi, hawenge akambo mande. huke kangi wesade, hade kuwolo ⁶ Halange nzaka, shila kende, oka saki lasa solo. ⁷ Lolango diki nde akamba wamo mbetao akambo wamo, ⁸ Lolango nemiye demo lolango haluvu, keyala kole unvuchi, wumo wakueta. keyala kole usau, lokoshila. keyala mbengo dekueta ⁹ Le ndjala tueya lo teni la tumbuke unvuchi lo teni. ¹⁰ Yako keyala ndele kokele, ngo ndeha kedikedi dekueta. ¹¹ Laki dikenda, lakasaula uku dikenda, la kakane muete ona, lakayale utu ngengele, lakachiche kilale akambo mba dikenda ¹² Le ndjala asa tumuena muete lo lolendo, muete longi lo dihuta, yako etena ongo tukuena longi lo longi asa leya lo teni, yako etena kingo la kueya fula ndo la nimi mbukamuewa na la lolango. ¹³ Yako asa akambo ane asato mamboleme mbetao, tokani ndeyaye, la lolango yako ndele wundeka la ne aleko lolango.