1 Nyundjele nimi, muete la nimi mboye lami kristo. 2 Asa lamunyutumbula lutundu mbengo ndembo honyu lasa akambo wamo. lamunyutemola lutundu nyumbulama olongodi muete mbukamuela lenyu. 3 Shila lalanga nyuewe le ndjala kristo ale ote mbu la pame lande pame ale ote mbu wacho, la le ndjala zambi ale otembu kristo. 4 La pame lolomba ama adiye do ayala ambufele ote ote monde. 5 Yako la wacho lolomba ama adiye sangola do wuhu ote monde keyala hululu ambolanye ote monde. Lo ndjala ale kedikedi la muete wambuwumbula. 6 keyala muete wacho hakofele ote monde, la aseke divu nende deyala cheni ndjala deyale ale kuwolo wacho pembola divu nende ama mumbola, shila ofele ote monde. 7 Lo naso hakuke pame fele ote monde lutundu nde ale jembetelo la wulu wu zambi. yako wacho ale wulu mbu pame. 8 Ndjala pame hakoma le wacho, ila wacho akame le pame. 9 Ama pame hakatungama lutundu mbu wacho. Ila wacho akatungama lutundu wu pame. 10 One mbule okomo wacho akoka ndjala la dekondjelo la echoko lo diko dote monde, lutundu mbu andjela. 11 Kanga ngaso. lasa wana wacho aha nde name hoha pame, ama pame koha wacho. 12 Okomo muete gnagnu wacho akame le pame, gnagnu pame akame le wacho. La bango demo uma le zambi. 13 Nyasambole nyuame. Gnande ale olo wacho alombe zambi wuhu ote monde keyala halolo? 14 Ngande, kanga eja chame kende hakela kanye mo pame alela divu otale ale kuwolo lande? 15 Ngande, eja hakekalanye la mo wacho ale la divu otale aleko wolo lende? Ndjala ambolongola ngo divu otale muete senda kende. 16 Yako keyala utu ambulanga mama lo diko ne, shu tuha la wuhu okina, ame lo nyumi ye zambi. 17 Lasa menye ndjeyela, nimi hawate mola keyala nyumbusangala, aha lo dikondje lo ila lo soi. 18 Kayala tundu, lamboke le ndjala nyumbusangala lomi lo zambi, koleko magnana lasa nyu, la le esaku wamboetao. 19 Lo akomo ale ohumba kayale ndelana lasanyu, kele mo wango mbakawetao weyane lenyu. 20 Lu okomo nyusangala, nyumbukele aha mbu ndje zambi. 21 Nyumbole, la utu ambole mbu nyende name tundu wakina tawule kanga none ambolewo. 22 Gnande nyuha la lomi lunde la no? Gnande nyu muenyola lomi lo zambi la mbaye soni mbaha la yango? Saula na lenyu? Mbotemole lasa ne. 23 Keyala lakalungula le zambi kingo keka lamunyaye keyala wana yeso uchu ungu mbukawuwunde, akale ketumbula. 24 Shila la katumbula, akaole la saula ''One mbule lowa nomi, mbule lutundu monyu, nyoke gnane le mbuho nimi'' 25 La gnane oko akose humbo shila akale la saula ''Humbo kene kele daka dokose la okila momi. nyoke gnane mala fula la etena le mbuho nimi'' 26 La tena kemo kekonyole kitumbula, la no luhumbu, nyukuelola udu mbo zambi polo lokondoye. 27 Lu so, la lole kitumbula ama keno humbo keko ke zambi kelehakekoke, akoyala ambuyaoye sambo lo lowa ndo okila mbu zambi. 28 Utu hayaeni name tundu, la gnane ale kitumbula la no humbo. 29 Kayala lole la no koha ninge ololo lowa, alela no sambo kende ndename. 30 None ale ukomo watu efula lasanyu ale kona ye lowa kona ye wodu, la efula kenyu wambuvo. 31 Yako kosona shuame hatukusambemo. 32 Yako kosona shuame hatukusambemo. 33 Luso, mangelo la otamba mami, nyusangale nyuwaye nde, nyukungane'' 34 Utu ale la ndjala, la ale lo lomi nonde kele mo nyusangale kame aha lo sambo na luakambo akina nyukashile la kuatola lakumoye.